| e-texts navigator |
| Wylie |
250b1 བའི།། ཏིང་ངེ་འཛིན་ལ་སྙོམས་པར་ཞུགས།། བདག་ཉིད་དབུས་ཀྱི་གཙོ་བོས་ནི།། རང་གིས་རང་ལ་བྱིན་གྱིས་བརླབས།། བྱིན་གྱིས་བརླབས་མ་ཐག་ཏུ་ཡང་།། ཞལ་གསུམ་ཕྱག་ནི་དྲུག་པར་གྱུར།། མ་ཧཱ་ཡོ་གའི
250b2 ཚུལ་གྱིས་སུ།། རྣལ་འབྱོར་མ་ནི་དགའ་བྱ་སྟེ།། འདོད་ཆགས་ཆེན་པོ་ཏིང་ངེ་འཛིན།། སྙོམས་ཞུགས་འཁོར་ནི་སྐུ་ལ་བསྡུས།། དེ་ནས་དཀྱིལ་འཁོར་གདོན་པའི་སྔགས།། ཉིད་ཀྱིས་ཉིད་ལ་གདོན་པ་ནི་འདིའོ།། ཨོཾ་ཨཱ
250b3 ཧཱུཾ། སྐུ་གསུང་ཐུགས་ཀྱི་དཀྱིལ་འཁོར་རྣམས།། བཙུན་མོ་ཡུམ་གྱི་བྷ་ག་ལ།། རིམ་པ་བཞིན་དུ་བཀོད་དེ་གནས།། སྐུ་གསུམ་ཐུགས་ཀྱི་དམ་ཚིག་རྣམས།། ལྡན་པར་བྱས་ནས་གདོན་པར་བྱ།། དེ་ནས་ཐུགས་རྗེའི
250b4 བདག་པོ་ཡིས།། དཀྱིལ་འཁོར་རྣམས་ཀྱི་གཙོ་བོར་གྱུར།། དཀྱིལ་འཁོར་འཁོར་ལོའི་ལྟེ་བ་དང་།། རྩིབས་དང་རྩིབས་མཚན་གྲུ་ཆད་དང་།། གྲུ་བཞི་སྒོ་བཞི་རིམ་པར་བསམ།། དེ་ཡང་རྣམ་པར་སྣང་མཛད་དང་།། རྡོ
250b5 རྗེ་སེམས་དཔའ་རིན་ཆེན་དཔལ།། འོད་དཔག་མེད་དང་དོན་གྲུབ་པ།། ཡུམ་རྣམས་ལྷ་མོ་སྒོ་མ་རྣམས།། དཀར་པོ་མཐིང་ག་དམར་དང་སེར།། ལྗང་གུའི་མདོག་ཏུ་སྣང་བ་དང་།། རང་རང་ལག་ཆ་འཁོར་ལོ
250b6 དང་།། རྡོ་རྗེ་རིན་ཆེན་པདྨ་རལ་གྲི་རྣམས།། ཕྱག་མཚན་གཡས་ཀྱི་དང་པོར་འཛིན།། གཡོན་པས་རང་དང་འདྲ་བའི་རིག་མ་རྣམ་འཁྱུད་པ།། ཆོས་ཀྱི་ཕྱག་རྒྱས་དབང་བསྐུར་བ།། རྒྱན་ཐམས་ཅད་ཀྱིས་བརྒྱན་པ། སོ
iiif viewer powered by OpenSeadragon
