| e-texts navigator |
| Wylie |
24a1 མེད་དབྱིངས་ཀྱི་ངང་།། མ་རྟོགས་འཁོར་བ་ཉིད་དུ་འཁོར།། དེ་བས་ཐོགས་མེད་ཀུན་འགྲོ་བའི།། ནམ་མཁའ་བཞིན་དུ་བརྟག་དཀའ་ཡང་།། འཁོར་བའི་འདམ་ལས་ཐར་པའི་ཐབས།། བདག་དང
24a2 གཞན་ལ་སྨན་སླད་དུ།། དོན་དམ་དབྱིངས་ཀྱི་ཐིག་ལེ་ལས།། འདུ་འབྲལ་མེད་པའི་ངང་ཉིད་དུ།། ཡང་དག་དོན་གྱི་མཐར་ཕྱིན་པའི།། གསང་བ་ལས་ཀྱང་ཆེས་གསང་བ།། གསང་ཆེན་རྒྱུད་འདི་བཀའ་སྩོལ
24a3 ཅིག། ཅེས་གསུངས་པ་དང་། བཅོམ་ལྡན་འདས་ཀྱིས་བཀའ་སྩལ་པ།། ལེགས་པར་ཉོན་ཅིག་ཁམས་གསུམ་རྒྱལ།། དབྱིངས་ལ་སྐྱེ་འགག་མི་གནས་ཀྱང་།། འོན་ཀྱང་འཁོར་བ་ལས་ཐར་ཕྱིར།། དྲི་མས་དྲི་མ་དག
24a4 བྱེད་ཅིང་།། དུག་གི་དུག་ནི་ཞི་བར་བྱེད།། ཞེ་སྡང་དྲག་པོ་རྒྱས་པ་ལ།། ཡང་དག་དབྱེར་མེད་དོན་དང་ལྡན།། ཞེ་སྡང་རྡོ་རྗེ་རྒྱུད་འདི་ཉོན།། ཞེས་བཀའ་སྩལ་ཏོ།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པའི་རྒྱུད་ཀྱི
24a5 བཤད་པ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་ཁམས་གསུམ་རྣམ་པར་རྒྱལ་བས་གསོལ་བ། བདུད་རྣམས་འདུལ་བའི་བཅོམ་ལྡན་འདས།། ཞེ་སྡང་ཅན་གྱི་གང་ཟག་རྣམས།། རྡོ་རྗེའི་རིགས་སུ་སྨིན
24a6 པའི་ཐབས།། རིམ་པ་ཇི་ལྟར་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་རིགས་ཀྱི་སྲོག་ལ་ཡང་།། འབུམ་ཕྲག་གཅིག་ཏུ་ངེས་བཟླས་པས།། ལྷ་ཡིས་ལུང་ནི་བསྟན་པ་དང་།། ས་བརྟག་དཀྱིལ
iiif viewer powered by OpenSeadragon
