| e-texts navigator |
| Wylie |
248b1 ཟུང་།། ལས་དང་སྐལ་བར་ལྡན་པ་དང་།། ཚེ་རབས་སྔོན་དུ་སྦྱངས་པ་དང་།། བྱང་ཆུབ་སེམས་དང་ལྡན་པ་དང་།། སྙིང་རྗེ་ཆེ་ཞིང་ཤེས་རབ་གསལ།། འགྲོ་བའི་དོན་ལ་མོས་པ་ལ།། རྒྱུད་འདི་ཡོངས་སུ་འབྱུང་བར
248b2 འགྱུར།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་བཞི་བཅུ་ཞེ་བཞི་པའོ།། །། རྡོ་རྗེ་ཕུར་པ་ཆེན་པོ་བཤད་པའི་རྒྱུད་དྲི་མེད་འོད་ལྡན་ཞེས་བྱ་བ་རྫོགས་སོ།། །
248b3 རྒྱ་གར་སྐད་དུ། ཀརྨ་ཀུ་རུ་རཏྣ་ཏནྟྲ་ནཱ་མ། བོད་སྐད་དུ། ཕྲིན་ལས་ཕུན་སུམ་ཚོགས་པའི་རྒྱུད་ཅེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས
248b4 གཅིག་ན། བཅོམ་ལྡན་འདས་སྐུ་གསུང་ཐུགས་ཀྱི་བདག་པོ་དགྱེས་པ་ཆེན་པོའི་སྙིང་པོ་དེ། དེ་བཞིན་གཤེགས་པ་ཐམས་ཅད་ཀྱི་སྙིང་པོར་གྱུར་ནས་ཡུམ་གྱི་བྷ་ག་ལ་རྟག་ཏུ་བཞུགས་སོ།། དེ་ནས་མངོན་པར་བྱང
248b5 ཆུབ་པའི་བྱིན་རླབ་ཀྱིས། ལོངས་སྤྱོད་པར་མཛད་པའི་དཔལ་རྣམ་པར་སྣང་མཛད་ཆེན་པོ་ཞི་བའི་ཚུལ་དང་ལྡན་པའི་གཟུགས་བཟང་པོ་ཞལ་གསུམ་ཕྱག་དྲུག་པ། རྣམ་པར་ཐར་པ་གསུམ་གྱི་མདོག་མངའ་བ་སོ་སོའི
248b6 ལག་ཆ་ལ་སོགས་པའི་ཕྱག་ཆ་དང་། དཔེ་བྱད་འཛིན་པ་དེ། འོག་མིན་གྱི་གནས་གཞི་དང་། སྙིང་པོ་མེ་ཏོག་ཀར་ཏི་ཀས་བརྒྱན་པ། ཡེ་ཤེས་ཀྱི་རང་བཞིན་རིན་པོ་ཆེ་སྣ་ལྔ་ལས་གྲུབ་པ་ཚད་མེད་པའི་གཞལ་ཡས
iiif viewer powered by OpenSeadragon
