| e-texts navigator |
| Wylie |
248a1 རྒྱལ་པོར་བཤད།། བདུད་དང་སྲིན་པོ་འདུལ་བ་ཡང་།། སྙིང་པོ་དོན་དམ་དབྱིངས་ལས་བྱུང་།། དཔེར་ན་ཆོས་ཉིད་ནམ་མཁའ་འདྲ།། ཅིར་ཡང་མེད་དེ་ཀུན་གྱི་གཞི།། ཐམས་ཅད་ཐམས་ཅད་འབྱུང
248a2 བར་བྱེད།། དེ་ཡིས་རྒྱུད་ཀྱི་རང་བཞིན་འབྱུང་།། འདུལ་བའི་དོན་དུ་རྒྱུད་འབྱུང་བ།། རྣམ་པ་གཉིས་སུ་ངེས་པར་འབྱུང་།། བྱུང་ཡང་དོན་དམ་དབྱིངས་ལས་བྱུང་།། འདུས་ཀྱང་དོན་དམ་དབྱིངས་ལ་འདུ།། དེ་ཕྱིར་ཀུན
248a3 གྱི་གཞི་ཡིན་པས།། གཞི་ལ་རྒྱུད་རྣམས་སོ་སོར་འབྱུང་།། གཞི་དེ་ཉིད་ལས་མ་གཡོས་པར།། ཐམས་ཅད་དེ་བཞིན་འབྱུང་བ་ཡང་།། འདུས་ཀྱང་གཞི་དེ་ཉིད་དུ་འདུས།། བདུད་དང་སྲིན་པོ་འདུལ་བ་ཡི།། ཁྲོ་བོས
248a4 སྟོང་གསུམ་ཀུན་བཀང་ནས།། ཁྲོ་བོ་བྱང་ཆུབ་སེམས་ལས་བྱུང་།། བྱང་ཆུབ་སེམས་ཀྱི་རང་བཞིན་ལས།། ཐམས་ཅད་འབྱུང་བའི་ཆོས་རྣམས་ནི།། རྟོགས་མ་རྟོགས་ཀྱི་ཁྱད་པར་ཡིན།། བསྟན་པའི་སྙིང་པོ་དེ་ལ
248a5 བྱ།། རྡོ་རྗེའི་སྙིང་པོ་ཀུན་གྱི་གཞི།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རྒྱུད་གཏན་ལ་དབབ་པའི་ལེའུ་སྟེ་བཞི་བཅུ་ཞེ་གསུམ་པའོ།། །། དེ་ནས་བཅོམ་ལྡན་འདས་རྒྱུད་གཏད་པའི་ཏིང་ངེ་འཛིན་ལ
248a6 སྙོམས་པར་ཞུགས་ཏེ། དུས་གསུམ་སྐྱེ་ཤི་མི་མངའ་བའི།། རིག་པ་གསལ་བ་འདུན་པའི་དོན།། རྒྱུད་རྣམས་ཐམས་ཅད་སྡུད་པར་བྱེད།། རྡོ་རྗེ་རིགས་ལ་མངའ་བརྙེས་པའི།། དམ་པའི་རིགས་ཅན་ཁྱོད་ཀྱིས
iiif viewer powered by OpenSeadragon
