| e-texts navigator |
| Wylie |
247b1 དང་བརྗོད་ལས་འདས་པ་རུ།། སྡུག་བསྔལ་སྣ་ཚོགས་ཐར་པ་མེད།། ལོག་པར་བརྟས་པས་དེ་བཞིན་བྱུང་།། འགྲོ་བའི་དུས་མེད་ངན་སོང་འཁྱམས།། ཐུགས་རྗེའི་བྱིན་རླབས་རབ་ཏུ་དཀོན།། འབྲས་བུ་རླག་པར་གྱུར
247b2 པ་ཡིན།། རྟོག་པའི་རིམ་པ་ཁྱད་པར་གྱིས།། གྲངས་དང་བརྗོད་ལས་འདས་པ་བྱུང་།། ཐེག་པའི་རིམ་པ་བསམ་འདས་ཀྱང་།། ངེས་པར་བསྟན་པ་གཅིག་ལས་མེད།། སངས་རྒྱས་གྲངས་མང་བརྗོད་འདས
247b3 ཀྱང་།། ངེས་པར་བསྟན་པ་གཅིག་ལས་མེད།། འབྲས་བུ་གྲངས་མང་བརྗོད་འདས་ཀྱང་།། ངེས་པའི་འབྲས་བུ་གཅིག་ལས་མེད།། དེ་བཞིན་ཐམས་ཅད་འབྱུང་བ་ཡང་།། ངེས་པར་མ་རྟོགས་རིམ་པར་བགྲོད།། གཏན
247b4 ལ་ཕེབས་པ་གཅིག་ལས་མེད།། རྟོགས་པའི་ཁྱད་པར་གཉིས་ལ་འབྱུང་།། དེ་ཡང་སྣང་བ་རྣམ་གཉིས་ཡིན།། ལྟ་བ་ཐམས་ཅད་དེ་ལ་འདུས།། སྒོམ་པ་ཐམས་ཅད་དེ་ལ་འདུས།། སྤྱོད་པ་ཐམས་ཅད་དེ་ལ
247b5 འདུས།། འབྲས་བུ་ཐམས་ཅད་དེ་ལ་འདུས།། དཀྱིལ་འཁོར་ཐམས་ཅད་དེ་ལ་འདུས།། ཞི་དང་ཁྲོ་ཡང་དེ་ལ་འདུས།། ལམ་དང་རིམ་པ་དེ་ལ་འདུས།། རྒྱུད་རྣམས་ཐམས་ཅད་དེ་ལ་འདུས།། སྟོན་པ་ཐམས་ཅད་དེ་ལ
247b6 འདུས།། འཁོར་རྣམས་ཐམས་ཅད་དེ་ལ་འདུས།། བསྟན་པའི་སྙིང་པོ་རིན་པོ་ཆེ།། རྒྱུད་རྣམས་ཐམས་ཅད་འབྱུང་བ་ཡང་།། དེ་ལ་ཟད་ཅིང་སྟོངས་པ་མེད།། དེ་ཕྱིར་ཟད་མེད་རིག་པའི་གཏེར།། རིན་ཆེན་དབང་གི
iiif viewer powered by OpenSeadragon
