| e-texts navigator |
| Wylie |
247a1 བ་དངོས་མེད་སྟོང་པའི་དབྱིངས།། སྣང་བ་རང་བཞིན་མེད་པའི་ངང་།། སྣང་བ་རང་བཞིན་ཅི་ཡང་མེད།། སྟོང་པ་ཅིར་ཡང་སྣང་བའི་སྟོང་།། སྟོང་པ་ཐམས་ཅད་ཀུན་ཀྱང་འབྱུང་།། སྟོང་པ་ཡེ་ཤེས་ལྔ་ཡི
247a2 ང་།། སྟོང་པ་རིགས་ལྔ་བདེར་གཤེགས་བྱུང་།། སྟོང་པ་སྟོང་པས་ཆད་པ་མེད།། སྟོང་པ་སྟོང་པས་ཐམས་ཅད་འབྱུང་།། སྟོང་པ་སྟོང་པས་དབྱིངས་སུ་ཐིམ།། སྟོང་པའི་སྟོང་པ་ཡེ་ཤེས་མཆོག། སྣང་སྟོང་གཉིས་མེད
247a3 བདེ་བའི་མཆོག། གཉིས་སུ་མེད་པ་གཉིས་མེད་དབྱིངས།། གཉིས་སུ་མེད་པར་བདེན་པའི་དབྱིངས།། གཉིས་སུ་མེད་པར་བསྟན་པའི་གཞི།། གཉིས་སུ་མེད་པ་སྙིང་པོའི་དངོས།། གཉིས་སུ་མེད་པ་འབྲས་བུའི
247a4 མཆོག། གཉིས་སུ་མེད་པ་དོན་དམ་ལམ།། གཉིས་སུ་མེད་པ་བདེ་བའི་མཆོག། གཉིས་སུ་མེད་པ་མཉམ་པའི་དབྱིངས།། མཉམ་ཉིད་རིག་པའི་ཀློང་བརྡལ་བས།། སྣང་སྟོང་གཉིས་སུ་མེད་པ་ཡང་།། ཐམས་ཅད་རང
247a5 རིག་བྱང་ཆུབ་སེམས།། བདེ་བ་ཆེན་པོ་དབྱིངས་ལ་གསལ།། རིག་དང་མ་རིག་ཁྱད་པར་ལས།། འཁོར་བ་མྱ་ངན་འདས་པ་བྱུང་།། འཁོར་བ་བསམ་མེད་བརྗོད་ལས་འདས།། རྟོག་པ་བརྟས་ལ་སོ་སོར་སྨིན།། རང
247a6 རང་བཅིངས་པ་གྲོལ་བ་མེད།། བཅིང་བྱ་འཆིང་བྱེད་གཉིས་སུ་མེད།། རྟོག་པ་བརྟས་ལ་དེ་ལྟར་སྣང་།། རྟོག་པ་བརྟས་ལ་མེ་ལྟར་ཚ།། རྟོག་པའི་དབང་དུ་དེ་ཉིད་ལྟར།། སྡུག་བསྔལ་ངན་སོང་འབྲས་བུ་ལས།། གྲངས
iiif viewer powered by OpenSeadragon
