| e-texts navigator |
| Wylie |
246a1 སྔགས་ཀྱིས་ལས་རྣམས་འགྲུབ།། ཏིང་འཛིན་རིམ་པ་སོ་སོ་ཡིན།། རྫས་ཀྱང་མི་མཐུན་སོ་སོ་ཡིན།། བྱེ་བྲག་ཏུ་ནི་ཤེས་པར་བྱ།། གཙོ་བོ་གཅིག་ལ་ལས་མཁན་ནི།། རྐྱང་པ་བཅུ་དགུའི་རིམ་པ་སྟེ།། དེ
246a2 རྣམས་གང་བྱེད་ལས་མཁན་ཡིན།། བཅུ་དགུ་ཕོ་མོ་གཉིས་སུ་འདུས།། གང་བྱེད་ཡེ་ཤེས་ལྷ་ལ་གདགས།། དྲིལ་བས་སྔགས་སུ་གོང་བཞིན་འགྲོ།། ན་ཡ་བྱེ་བྲག་རིགས་དང་སྦྱར།། ལས་ཀྱི་ཕོ་མོ་རྣམ་གཉིས
246a3 སོ།། གང་ཡིན་རྟགས་དང་སྦྱར་བར་བྱ།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ལས་མཁན་བཅུ་དགུའི་སྒྲུབ་པ་བསྟན་པའི་ལེའུ་སྟེ་ཞེ་གཉིས་པའོ།། །། དེ་ནས་བཅོམ་ལྡན་འདས་ཡོན་ཏན་གྱི་ཏིང་ངེ
246a4 འཛིན་ལ་སྙོམས་པར་ཞུགས་ཏེ། བྱིན་རླབས་ནམ་མཁའི་ངོ་བོ་ལས།། ཐུགས་རྗེ་ཆེན་པོའི་བྱིན་རླབས་འདུ།། འདུལ་བའི་དོན་དུ་ཅིར་ཡང་སྟོན།། ཐབས་མཁས་རྒྱལ་བའི་བྱིན་རླབས་ཀྱིས།། འདུལ་བ་རྣམ་གཉིས
246a5 གང་འདུལ་བ།། ཡང་དག་དོན་ལ་ཁྱད་པར་མེད།། བསྟན་པའི་སྙིང་པོ་དམ་པ་འདི།། འདུལ་བའི་དོན་དུ་ཅིར་ཡང་སྟོན།། སྙིང་པོ་དམ་པ་ལྷ་ཡི་སྐུ། ཁམས་གསུམ་སེམས་ཅན་དེ་བཞིན་འབྱུང་།། རྟོགས་དང་མ་རྟོགས
246a6 ཁྱད་པར་མེད།། རྣམ་པ་གཉིས་ཀྱི་འབྲས་བུ་འབྱུང་།། གཅིག་ལས་གཉིས་སུ་དེ་བཞིན་སྣང་།། སྙིང་པོའི་དོན་ལ་བཟང་ངན་མེད།། མེད་པ་མ་ཡིན་ཅིར་ཡང་སྣང་།། རྒྱལ་བ་ཐམས་ཅད་འབྱུང་བར་བྱེད། ཁམས
iiif viewer powered by OpenSeadragon
