| e-texts navigator |
| Wylie |
245b1 རྟགས་ཉིད་བྱུང་བ་དང་།། ཕོ་ཉ་དཀྱུས་དང་ཡང་དག་སྦྱར།། སྒྲོལ་བའི་སྔགས་ཀྱིས་བསྒྲལ་བར་བྱ།། ཕྱི་མའི་ལས་ཉིད་གོང་དུ་བསྟན།། དྲག་པོ་སྒྲོལ་བའི་ལས་ཉིད་ཡིན།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས།།
245b2 སྲས་མཆོག་ཉིད་དུ་སྒྲུབ་པའི་ལེའུ་སྟེ་ཞེ་གཅིག་པའོ།། །། དེ་ནས་བཅོམ་ལྡན་འདས་ལས་མཁན་དགུ་བཅུ་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ།། དུར་ཁྲོད་མེ་རི་སྤུངས་པའི་སར།། གྲུ་གསུམ
245b3 མཐིང་ནག་འབར་བ་བྲི།། སྔོན་དུ་བྱ་བའི་རིམ་པའི་ས།། གསུམ་དང་བཞི་བཞི་གཅིག་ཀྱང་རུང་།། རིམ་པས་དེ་བཞིན་གང་ཡིན་སྦྱར།། སོ་སོའི་རྫས་རྣམས་སོ་སོར་བསག། ཐུན་ཡང་དེ་བཞིན་རིམ་པར་བྱ།། ཏིང
245b4 འཛིན་རིམ་པའི་བྱིན་རླབས་ལས།། ཕུར་པ་དར་གྱི་ཅོད་པན་ཅན།། མངའ་གསོལ་རིམ་པ་བཞིན་དུ་བྱ།། མདུན་དུ་ལས་མཁན་དེ་ཉིད་བསྐྱེད།། སྤྱན་དྲང་བསྟིམ་དང་མཆོད་པ་བྱ།། སྙིང་པོ་དྲག་པོ་སྔགས་སུ
245b5 སྦྲེལ།། ལྷ་གསལ་གང་ཡིན་ལས་སྔགས་བྱེད།། བསྙེན་བསྒྲུབ་མི་དབྱེ་གཅིག་ཏུ་དྲིལ།། དྲག་པོར་སྦྲེལ་ཅིང་རཀྟ་སྦྲེང་།། དུས་དུས་ཟད་ཅིང་རབ་ཏུ་ཁྲོ།། རྟགས་རྣམས་དབྱུང་བའི་ཕུར་པའི་ལས།། ཐུན་ཡང་དེ་བཞིན
245b6 འཕང་བར་བྱ།། ཐུན་ལ་མེ་རུ་འབར་བ་དང་།། འོད་དང་སྐད་དང་དུ་བ་དང་།། རྟགས་དེ་མངོན་དུ་འོང་བར་བཤད།། བསྙེན་སྔགས་གདབ་སྔགས་ཐུན་སྔགས་དང་།། མི་དབྱེ་དེ་ཉིད་གཅིག་པ་ཡིན།། དྲིལ་བའི
iiif viewer powered by OpenSeadragon
