| e-texts navigator |
| Wylie |
245a1 ཉ་དཀྱུས་སུ་བཅས་པ་དང་།། རང་རང་དྲག་པོ་བསྒྲལ་བའི་སྔགས།། མཐའ་ཡིས་བརྟེན་ཅིང་གདབ་པར་བྱ།། དངོས་པོར་འཛིན་པ་སྒྲོལ་བ་ཡི།། དྲག་པོ་ཁྲོ་བོའི་བྱིན་རླབས་ཡིན།། དངོས་པོ་སྟོང་པར
245a2 སྒྲོལ་བ་དང་།། དེ་ཡི་དོན་ལས་མི་འདའ་དང་།། འཁོར་བར་མི་འཁོར་འོར་གཅིག་བྱ།། མཚོན་དང་དུག་དང་བརྡུང་བ་དང་།། བསྟབ་དང་གནས་པའི་རིམ་པ་ཡང་།། འདུས་པ་ཆེན་པོ་རང་རང་ཡིན།། གནས་གསུམ
245a3 ལས་ཉིད་གང་བྱེད་ཀྱང་།། རང་རང་སྔགས་ཀྱིས་དེ་བཞིན་བྱ།། ཚེ་དང་བཀྲ་ཤིས་དངོས་གྲུབ་ཀྱང་།། ཐམས་ཅད་འདུས་པའི་སྔགས་ཚིག་ཡིན།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་བསྒྲུབ་པའི་ལེའུ
245a4 སྟེ་བཞི་བཅུ་པའོ།། །། དེ་ནས་བཅོམ་ལྡན་འདས་སྲས་མཆོག་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ།། དུར་ཁྲོད་ཆེན་པོའི་གནས་དག་ཏུ།། གྲུ་གསུམ་མཐིང་ནག་འབར་བ་བྲི།། དུར་ཁྲོད་རུས་པའི
245a5 ཕྱེ་མ་གདབ།། སྔགས་ཀྱིས་བསྲུང་ཞིང་ཕུར་པ་དགོད།། བྱིན་བརླབས་དགོད་པ་སྔགས་ཉིད་ཡིན།། དེ་ཉིད་བསྐྱེད་དང་སྤྱན་དྲང་དང་།། མཆོད་དང་ལས་བཞིའི་བརྡུང་བ་དང་།། གདབ་ཅིང་བསྐུལ་ཞིང་སྙིང་པོ
245a6 བཟླས།། བསྟོད་བཞིན་གོང་བཞིན་ཚོགས་མཆོད་བྱས།། རྟགས་རྣམས་རབ་ཏུ་བྱུང་བ་དང་།། བསྒྲུབ་པ་དྲག་པོ་སྔགས་ལ་འཇུག། བསྙེན་བསྒྲུབ་ཤ་མདངས་ཕྱེད་པར་བྱ།། བརྡུང་བའི་ལས་ནི་དུས་དུས་བྱ།། དེ་ཡིས
iiif viewer powered by OpenSeadragon
