| e-texts navigator |
| Wylie |
244b1 པར་འགྲུབ་པའི་དངོས་གྲུབ་ཡིན།། ཞི་བར་བྱེད་པའི་ཆོས་ཉིད་ཡིན།། འཇོམ་པར་བྱེད་པའི་ཁྲོ་བོ་ཡིན།། སྒྲོལ་བར་བྱེད་པའི་ཕུར་པ་ཡིན།། གཏུབ་པར་བྱེད་པའི་མཚོན་ཆ་ཡིན།། གསལ་བར་བྱེད་པའི་མར་མེ
244b2 ཡིན།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རྒྱུད་འབྱུང་བའི་དོན་བསྟན་པའི་ལེའུ་སྟེ་སོ་དགུ་པའོ།། །། དེ་ནས་བཅོམ་ལྡན་འདས་དྲག་པོ་ཉིད་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད
244b3 ཆེན་པོའི་གནས་དག་ཏུ།། དྲག་པོ་གྲུ་གསུམ་རིམ་པ་བཞིན།། དུར་ཁྲོད་རུས་པའི་ཕྱེ་མ་ལ།། ཁྲག་གིས་སྦྲུས་ཏེ་རབ་ཏུ་བྱུག། རིམ་པ་བཞིན་དུ་བྱས་ཀྱང་རུང་།། རྫས་རྣམས་གོང་དུ་བསྟན་པ་བཞིན།། ཚང་པར
244b4 བསགས་ཤིང་ལས་རྣམས་བྱ།། བར་ཆད་བསྲུང་ཞིང་བྱིན་བརླབ་བྱ།། ཕུར་པ་སྔགས་ཀྱི་བྱིན་བརླབ་བྱ།། བརྗོད་ཀྱིས་རིམ་པས་གཞུག་པར་བྱ།། རྣམ་ལྔ་ལས་ཀྱི་ལིངྒ་འབུལ།། གཙོ་བོ་སྔགས་ཀྱིས་གཟིར་ལ
244b5 གཞག། སྔགས་ཀྱི་ལས་བྱ་ཏིང་འཛིན་བསྒོམ།། རྣམ་གསུམ་བསྐྱེད་དང་མཆོད་པ་འབུལ།། ལས་བཞི་བརྡུང་བའི་སྦྱོར་སྒྲོལ་བྱ།། བསྟབ་པའི་སྔགས་ཀྱིས་དེ་བཞིན་འབུལ།། སྙིང་པོ་དྲིལ་ཞིང་ལས་རྣམས་བྱ།། ཚོགས
244b6 མཆོད་གོང་དུ་བསྟན་པ་བཞིན།། དེ་ཡིས་རྟགས་རྣམས་བྱུང་བ་དང་།། རབ་ཏུ་དྲིལ་ཞིང་དྲག་པོར་བསྟན།། གོང་དུ་བསྟན་པ་དེ་མིན་དགོས།། དྲག་པོའི་ལས་སུ་བསྟན་པ་ཡིན།། མཚན་མ་བརྟན་པོ་བྱུང་བ་དང་།། ཕོ།
iiif viewer powered by OpenSeadragon
