| e-texts navigator |
| Wylie |
244a1 དབྱིངས་ལས་འདུལ་བ་དང་།། མི་འཁོར་དོན་ལ་འགོད་པ་དང་།། ཞིང་བཅུའི་དོན་རྣམས་མཐོང་བ་དང་།། རྒྱུད་འདི་ཡོངས་སུ་རྟོགས་ལས་བྱུང་།། ཉི་མའི་འོད་བཞིན་གསལ་བ་དང་།། གསལ་ལ་འགྱུར
244a2 མེད་བརྟན་པ་དང་།། ཉེས་པ་མེད་པར་རྟོགས་པ་དང་།། བགྲོད་དུ་མེད་པར་མཐར་ཕྱིན་པ།། རྒྱུད་འདི་ཡོངས་སུ་རྟོགས་ལས་བྱུང་།། སྐབས་དང་རིམ་པར་གྱུར་པ་ལ།། ས་དང་ལམ་ལ་དེ་བཞིན་ཏེ།། རིམ་པར་ནུས
244a3 པའི་བྱིན་རླབས་དང་།། འབྲས་བུའི་རིམ་པ་དེ་བཞིན་ཏེ།། རྒྱུད་འདི་ཡོངས་སུ་རྟོགས་ལས་བྱུང་།། བསམ་གཏན་ཏིང་འཛིན་རིམ་པ་ནི།། ཏིང་འཛིན་རྩལ་གྱི་རིམ་པ་ཡིས།། ས་ལ་རྣམ་པ་གཉིས་ཡོད་དེ།། འཁོར
244a4 འདས་གཉིས་སུ་དེ་བཞིན་འབྱུང་།། མྱ་ངན་འདས་པའི་ས་ལམ་ཡང་།། རྒྱུད་འདི་ཡོངས་སུ་རྟོགས་ལས་བྱུང་།། བསྟན་པའི་སྙིང་པོ་དམ་པ་ཡང་།། གང་ཡིན་རྟོགས་ལས་དེ་བཞིན་འབྱུང་།། མ་ངེས་འཛིན་པ་དེ་བཞིན
244a5 བྲལ།། འཛིན་པ་མེད་པ་གཞི་རྩ་བྲལ།། རྒྱུད་འདི་ཡོངས་སུ་རྟོགས་ལས་བྱུང་།། བཤད་པ་དྲི་མེད་འོད་ལྡན་འདི།། བསྟན་པ་ཡོངས་ཀྱི་འབྱུང་གནས་ཡིན།། བདེ་བར་གཤེགས་པའི་སྙིང་པོ་ཡིན།། ཐམས་ཅད་འབྱུང
244a6 བའི་གནས་ཆེན་ཡིན།། མུན་པ་སེལ་བའི་སྒྲོན་མེ་ཡིན།། རྟོགས་པར་བྱེད་པའི་ཤེས་རབ་ཡིན།། སྒོམ་པར་བྱེད་པའི་བསམ་གཏན་ཡིན།། ཤེས་པར་བྱེད་པའི་སྤྱོད་པ་ཡིན།། ཐོབ་པར་བྱེད་པའི་འབྲས་བུ་ཡིན།། ངེས
iiif viewer powered by OpenSeadragon
