| e-texts navigator |
| Wylie |
243b1 ལྷ།། རྔམ་པའི་སྒྲ་ཡིས་ཀུན་བཀང་ནས།། ཉོན་མོངས་སྲེག་པར་བྱེད་པའི་མེ།། རྒྱུད་འདི་ཡོངས་སུ་རྟོགས་ལས་བྱུང་།། ཐབས་དང་ཤེས་རབ་འབྲེལ་པ་ཡང་།། འགྲོ་བ་འདུལ་བ་དོན་གྱི་ཕྱིར།། བྱང་ཆུབ་སེམས་ཀྱི
243b2 བདེ་བ་ཡང་།། བདེ་གཤེགས་དགོངས་པའི་བྱིན་རླབས་ཏེ།། རྒྱུད་འདི་ཡོངས་སུ་རྟོགས་ལས་བྱུང་།། འདོད་ཆགས་སྦྱོང་ཞིང་བྱང་ཆུབ་ཐོབ།། ཆགས་པ་རང་རྒྱུད་སྡུག་བསྔལ་སེལ།། ཞེན་པ་རང་རྒྱུད་གྲོལ་བར
243b3 བྱེད།། འཛིན་པ་མེད་ཅིང་ཞེན་པ་གཅོད།། རྒྱུད་འདི་ཡོངས་སུ་རྟོགས་ལས་བྱུང་།། མཁའ་ལ་བྱ་ལྟར་འཕུར་པ་དང་།། ཆུ་ལ་མི་འབྱིང་མེས་མི་ཚིག། ཐོགས་པ་མེད་པར་འགྲོ་བ་དང་།། མངོན་ཤེས་རབ་ཏུ་མི་སླུ
243b4 དང་།། བདེན་པ་དོན་དང་ལྡན་པ་འདི།། རྒྱུད་འདི་ཡོངས་སུ་རྟོགས་ལས་བྱུང་།། ལོག་པའི་ཆོས་ཅན་འདུལ་བ་དང་།། དངོས་གྲུབ་པར་ཆད་བྱེད་པ་དང་།། བསྒྲལ་བའི་ཞིང་བཅུར་གྱུར་པ་དང་།། ངན་སོང་སྡུག
243b5 བསྔལ་མཁའ་འགྲོར་བཅས།། ཐུགས་རྗེའི་བྱིན་རླབས་འབྱུང་བར་ནི།། རྒྱུད་འདི་ཡོངས་སུ་རྟོགས་ལས་བྱུང་།། འགྲོ་བ་འདུལ་བའི་དོན་སླད་དུ།། ཞི་དང་ཁྲོ་དང་འདུལ་བའི་དོན།། འདུལ་བའི་དབང་དུ་དེ་ལས
243b6 བྱུང་།། དྲང་དོན་ངེས་དོན་རྣམ་པ་གཉིས།། འགྲོ་བ་འདུལ་བའི་དོན་དུ་འབྱུང་།། རྒྱུད་འདི་ཡོངས་སུ་རྟོགས་ལས་བྱུང་།། རང་རྒྱུད་དངོས་པོར་འཇོམས་པ་དང་།། སྟོང་པའི་དོན་ལ་དགོད་པ་དང་།། བདེན་པའི
iiif viewer powered by OpenSeadragon
