| e-texts navigator |
| Wylie |
243a1 ན།། རྒྱུད་གཉིས་ཡོངས་སུ་རྟོགས་ལས་བྱུང་།། ཞི་བ་ཆེན་པོར་རྟོགས་པ་དང་།། མ་རིག་མུན་པ་བསལ་བ་དང་།། རིག་པའི་ཡེ་ཤེས་གསལ་བ་དང་།། རྟོགས་པས་འབྲས་བུར་གྱུར་པ་དང་།། དྲི་མེད
243a2 འོད་ལྡན་གསལ་བ་དག། རྒྱུད་འདི་ཡོངས་སུ་རྟོགས་ལས་བྱུང་།། ཀུན་བཟང་དོན་ཉིད་སྟོན་པ་དང་།། དེ་ཉིད་གཞི་རུ་གྱུར་པ་དང་།། རྣམ་པ་ཐམས་ཅད་མཁྱེན་པ་དང་།། དེ་ཡིས་ཐམས་ཅད་ཆོས་སྟོན་དང་།། རྒྱུད
243a3 འདི་ཡོངས་སུ་རྟོགས་ལས་བྱུང་།། ཆོས་ཉིད་ཕུར་པ་ཀུན་གྱི་གཞི།། བསྟན་པ་དར་དང་འདུལ་བའི་དོན།། གང་དུ་བསྟན་པར་འབྱུང་བར་བྱེད།། རང་བཞིན་འདུལ་བའི་དོན་བསྟན་པ།། རྒྱུད་འདི་ཡོངས་སུ་རྟོགས
243a4 ལས་བྱུང་།། ཡེ་ནས་གནས་པའི་ཆོས་ཉིད་འདི།། ཆོས་ཉིད་རིག་པ་ཀུན་གྱི་གཞི།། རྡོ་རྗེ་ཡང་དག་སྐྱེ་བ་མེད།། སྤྲོས་མེད་དོན་རྣམས་རྟོགས་བྱེད་པ།། རྒྱུད་འདི་ཡོངས་སུ་རྟོགས་ལས་བྱུང་།། ཐུགས་རྗེ་ནམ་མཁའི
243a5 བྱིན་རླབས་ལས།། འདུལ་བའི་དོན་ལ་ཅིར་ཡང་སྟོན།། གདུག་པ་འདུལ་བའི་ཁྲོ་བོ་འབྱུང་།། ཐམས་ཅད་མ་ལུས་འདུལ་བ་ཡང་།། རྒྱུད་འདི་ཡོངས་སུ་རྟོགས་ལས་བྱུང་།། ཀུན་ཏུ་བཟང་པོའི་ངང་ཉིད་ལས།། གདུག
243a6 པ་འདུལ་བའི་ཁྲོ་བོ་ཡང་།། ཧཱུཾ་ཧཱུཾ་ཕཊ་ཕཊ་སྒྲ་སྒྲོགས་པ།། ཡོངས་སུ་འདུལ་བ་བསྟན་པ་ཡང་།། རྒྱུད་འདི་ཡོངས་སུ་རྟོགས་ལས་བྱུང་།། བདེ་བར་གཤེགས་པའི་བྱིན་རླབས་ལས།། བདུད་དང་སྲིན་པོ་འདུལ་བའི
iiif viewer powered by OpenSeadragon
