| e-texts navigator |
| Wylie |
242b1 འདེབས།། དུས་ལ་བབ་བོ་གར་ཀྱི་དབང་ཕྱུག་མ།། གྲུ་བཞི་སྲིན་མོ་སྦྲུལ་འདྲ་མ།། ཡབ་ཡུམ་རྟགས་དང་གདུག་པ་ཅན།། བྱ་བ་མ་ཡིན་རབ་ཏུ་གཟེམ།། རྟ་དང་བྱིས་པ་མུག་པའམ།། ཙག་ཙོག་མང་པོ་བྱུང་བ
242b2 དང་།། ཁུག་པས་རབ་ཏུ་གདབ་བྱ་སྟེ།། ཕུར་པ་བླངས་ཤིང་རབ་ཏུ་འདྲིལ།། དྲོད་དང་ཚངས་པའི་མགོ་ལ་གདབ།། ས་ཏི་ཡམ་ཤུད་རྐང་པ་ལ།། ཤུ་ལ་ཁུ་ལེ་ལག་པ་ལ།། ད་ཤ་གྲཱི་བ་གསང་བ་ལ།། རྩ་གཉིས་ཡབ
242b3 ཡུམ་སྔགས་ཀྱིས་གདབ།། ཡབ་སྙིང་ཡུམ་ལྟེ་རྣམ་པ་གཉིས།། རབ་ཏུ་གདབ་པ་དེ་བཞིན་བྱ།། གྱད་ཀྱི་སྐུ་མདོག་བཞིར་བསྒོམ་ལ།། ཕུར་པ་གདབ་ཅིང་ལས་རྣམས་བྱ།། གཏོར་མ་ལག་ཏུ་ཐོགས་བྱས་ལ།། སྲོད་ལ
242b4 ཟླ་བའི་འོད་ལ་བསྐུལ།། ཐོ་རངས་སྐར་ཆེན་ཤར་ནས་བསྐུལ།། དགོང་མོ་གྲིབ་སོ་ཆགས་ལ་བསྐུལ།། ནང་པར་ཉི་མའི་རྩེ་ལ་བསྐུལ།། རང་བཞིན་རྟགས་ནི་བྱུང་བ་དང་།། གང་ཡིན་ཕྱོགས་སུ་གཏོར་མ
242b5 འཕངས།། དེ་ཡི་ལས་རྣམས་འགྲུབ་པར་འགྱུར།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། གནོད་སྦྱིན་དྲེགས་པ་ཅན་སྒྲུབ་པའི་ལེའུ་སྟེ་སོ་བརྒྱད་པའོ།། །། དེ་ནས་བཅོམ་ལྡན་འདས་ཡོན་ཏན་བསྟན་པའི
242b6 ཏིང་ངེ་འཛིན་ལ་སྙོམས་པར་ཞུགས་ཏེ། བསྟན་པ་ཐམས་ཅད་འཕེལ་བ་དང་།། ཆོས་ཉིད་ཞི་བས་འདུལ་བ་དང་།། མ་རིག་རིག་པར་འགྱུར་པ་དང་།། སྟོན་པ་རང་ལས་བྱུང་བ་དང་།། འབྲས་བུ་གཞན་ལ་མེད་རྟོགས
iiif viewer powered by OpenSeadragon
