| e-texts navigator |
| Wylie |
242a1 ཉི་མའི་འོད་ཟེར་སྐར་ལྟར་འཁྲུགས།། སྨིན་མ་གློག་འགྱུ་བར་སྣང་གོ་སྐབས་འབྱེད།། ཤངས་ནས་བུ་ཡུག་རྡོ་རྗེ་ཐོག་ཆེན་འབེབས།། ཞལ་བགྲད་ཚེམས་ནི་སྤུ་གྲི་འབུམ་གྱིས་གཏམས།། རྔམ་པའི
242a2 ལྗགས་འདྲིལ་བསྐལ་པའི་མེ་ལྟར་འབར།། ཨག་ཚོམ་དམར་སེར་དུག་གསུམ་རྩད་ནས་བསྲེག། སྙན་ནས་འབྲུག་སྟོང་སྒྲ་སྐད་ལྡི་རི་རི།། སེན་མོ་ལྕགས་ཀྱུའི་རྩེ་ལྟར་འཛིན་ཞིང་འགུགས།། བ་སྤུའི་ནང་ནས་གནམ
242a3 ལྕགས་ཞུན་ཆུ་འབྲུབ།། སྤྱན་མིག་དམར་པོས་སྣང་སྲིད་གསལ་བར་མཛད།། ལྕགས་ཀྱུས་སྣང་སྲིད་དབང་དུ་སྡུད་པའི་རྟགས།། སྨིན་མ་འཛིངས་པས་མེ་སྟག་རབ་ཏུ་འཕྲོ།། ཡཀྐ་གནོད་སྦྱིན་འཇིགས་པས་རབ་ཏུ
242a4 རྔཛམ།། ཆུ་ལྟར་འབྲུབ་ཅིང་མེ་ལྟར་སྲེག་པར་བྱེད།། ཞབས་ཀྱིས་གང་དུ་བསམས་པར་ཡུད་ཀྱིས་ཕྱིན།། ན་བཟའ་དམར་པོ་སྤྲིན་གྱི་གཡང་གཞི་གསོལ།། ཉམས་པའི་སྙིང་འབྱིན་ཆད་པར་བཅུག་ནས་གསོལ།། རྡོ་རྗེ
242a5 ཕུར་པའི་ལས་རྣམས་ཁྱེད་ཀྱིས་སྦུབས།། བཅོལ་པའི་ལས་རྣམས་མ་ལུས་འགྲུབ་པར་མཛོད།། ཧཱུཾ་གནོད་སྦྱིན་མེ་རུ་ཙེ་ཡི་ཐུགས་དམ་དགྱེས་སྐུལ་མ།། ཡུམ་གཅིག་རྡོ་རྗེ་གར་གྱི་དབང་ཕྱུག་མ།། ཁྲོས་པའི་སྐུ་མདོག
242a6 ཁྲག་གི་ཐིགས་པ་འདྲ།། མི་བཟད་རྡོ་རྗེ་ལྕགས་ཀྱི་ཕུར་པས་གཏམས།། རྡོ་རྗེའི་རལ་པ་སི་ལི་ལི། ཁྲག་གི་མཆི་མ་ཕྲུ་ལུ་ལུ།། སྙིང་རྗེ་མི་མངའ་དམ་ཉམས་སྒྲོལ་བར་བྱེད།། ཕྱག་ན་རྡོ་རྗེ་ཕུར་པ་འདྲིལ་ཞིང
iiif viewer powered by OpenSeadragon
