| e-texts navigator |
| Wylie |
241a1 ལྷ་ཕྲོལ། ཁྱོད་ཀྱི་མདུན་གྱི་ལྟེ་སྣ་ལ།། སེང་གེ་དཀར་མོ་འགྱིང་ཞིང་འཕྱོ།། སྣང་སྲིད་དབང་དུ་སྡུད་པར་བྱེད།། དམ་ཉམས་མདུན་གྱི་སྲོག་ལྷ་ཕྲོལ། ཁྱོད་ནི་སྟོང་གསུམ་ཕྲ་མ་མཁན།། རླུང་ལྷའི་བུ་ལ
241a2 སྲིན་བུའི་ཚ།། མཆུ་ནི་ལྕགས་ཀྱི་གཟོང་བས་རྣོ།། དམ་ཉམས་མི་དང་ལྷ་ཡི་བར་དུ་དབྱེན་ཆུག་ཅིག། ཁྱོད་ཀྱིས་མི་བྱེད་གང་ཡང་མེད།། ལྷ་དང་ལྷ་མིན་གཡུལ་འགྱེད་ཀྱང་།། འབྱེད་པར་ཁྱོད་ཀྱིས་ནུས་པར་བྱེད།། ཚེ
241a3 གསུམ་དྲན་བྱེད་ཕོ་རོག་མ།། ཁྱོད་ཀྱིས་མི་དྲན་ཅི་ཡང་མེད།། བསྟན་པ་གཉེན་ལ་གནོད་པ་ཡི།། དམ་ཉམས་བསྒྲལ་བའི་ཞིང་བཅུ་འདི།། འགོ་བར་བྱེད་པའི་ལྷ་དང་ཕྲོལ།། སྟོངས་པར་བྱེད་པའི་གཉེན་དང
241a4 ཕྲོལ།། ཧུ་ལུ་མུན་མཐོང་འུག་པ་མོ།། ཁྱོད་ཀྱིས་མི་མཐོང་གང་ཡང་མེད།། བསྟན་པ་གཉེན་ལ་གནོད་བྱེད་པའི།། དམ་ཉམས་བསྒྲལ་བའི་ཞིང་བཅུ་འདི།། ཁྱོད་ཀྱིས་བསྒྲལ་བའི་ཕྲིན་ལས་མཛོད།། ཅེས་སོ་སོའི་སྒོ
241a5 གཉིས་ལས་ཀྱི་རླུང་ལ་ཕྱར་རོ།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ཞིང་བཅུ་ལྷ་དང་དབྱེ་བའི་ལེའུ་སྟེ་སོ་བདུན་པའོ།། །། དེ་ནས་བཅོམ་ལྡན་འདས་གནོད་སྦྱིན་སྒྲུབ་པའི་ཏིང་ངེ་འཛིན་ལ་སྙོམས
241a6 པར་ཞུགས་ཏེ། དུར་ཁྲོད་ཆེན་པོའི་གནས་དག་ཏུ།། དཀྱིལ་འཁོར་གྲུ་གསུམ་བྱས་ནས་སུ།། སྟེང་དུ་སོལ་མེ་རབ་ཏུ་བཏང་།། ཐལ་ཆེན་སོལ་བས་ནང་བྱུགས་ལ།། ཞབས་མ་དམར་པོའི་གདན་བཏིང་ལ།། ལིངྒ་བྱ
iiif viewer powered by OpenSeadragon
