| e-texts navigator |
| Wylie |
239a1 དྲག་པོ་མེའི་ལས་དང་བྲོའི་རིམ་པའི་ལེའུ་སྟེ་སོ་ལྔ་པའོ།། །། དེ་ནས་བཅོམ་ལྡན་འདས་ཟེར་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། མཐིང་ནག་གྲུ་གསུམ་རིམ་པ་ལ།། དྲུག་པར་བྱུང་བ
239a2 ངན་པའི་ཐོད་པ་རུ།། རྩིབས་དྲུག་རང་སྔགས་ཟོར་དུ་བཅས།། སྙིང་དང་ཁྲག་སྣ་མང་དུ་བླུགས།། རིམ་པ་གྲངས་ཀྱི་བཤམས་ནས་སུ།། དྲག་པོ་སྔགས་ཀྱི་རིམ་པ་ཡིས།། གང་ཡིན་དངོས་པོ་སྒྲོལ་བར་ནུས།། བསྙེན
239a3 སྒྲུབ་བཞི་པོ་མཐའ་རུ་ཕྱིན།། མེ་ཉེས་གཟུ་དང་དབང་དུ་གཟུག། བསྙེན་པའི་ལྷ་ཡན་ད་རུང་བསྙེན།། བདེན་པའི་བྱིན་རླབས་དེ་བཞིན་བྱ།། ཧཱུཾ་མཐིང་ནག་གྲུ་གསུམ་དཀྱིལ་འཁོར་ནས།། དཔལ་ཆེན་རྡོ་རྗེ་གཞོན་ནུ
239a4 ཡང་།། གཡས་ན་ཁྲག་ཟོར་མདའ་ཟོར་འཕེན།། གཡོན་པ་ཉུང་ཟོར་རྦབ་ལྟར་འདྲིལ།། ཁྲག་ཟོར་དམར་པོ་མཚོ་ལྟར་རློབས།། མདའ་ཟོར་དྲག་པོ་སྐར་ལྟར་འཁྲུགས།། དྲག་པོ་ཉུང་ཟོར་རྦབ་ལྟར་འདྲིལ།། མཚེ་ཟོར
239a5 རྣོན་པོ་མདུང་ལྟར་འདེབས།། དྲག་པོའི་ཕུར་ཟོར་སྙིང་ལ་འདེབས།། དོ་ནུབ་ཟོར་གྱི་ལས་མཛོད་ཅིག། ཧཱུཾ་ཡུམ་གཅིག་འཁོར་ལོ་རྒྱས་འདེབས་མ།། གཡས་པ་ཁྲག་ཟོར་མདའ་ལྟར་འཕེན།། གཡོན་ནས་ཉུང་ཟོར་རྦབ
239a6 ལྟར་དྲག། བྷྱོ།། སྟེང་ཕྱོགས་ཚངས་པ་འདུལ་བའི་ལྷ། ཁྲོ་བོ་ཆེན་པོ་ཧཱུཾ་ཀཱ་ར།། ཚངས་པ་འདུལ་བའི་མཐུ་བོ་ཆེ།། གཡས་པ་ཁྲག་ཟོར་མདའ་ལྟར་འཕེན།། གཡོན་པ་ཉུང་ཟོར་རྦབ་ལྟར་དྲག། བྷྱོ།། ཡུམ་ཆེན་རྡོ་རྗེ་སྒྲ
iiif viewer powered by OpenSeadragon
