| e-texts navigator |
| Wylie |
236a1 བཞུགས།། དྲང་སྲོང་ཆེན་པོ་མེ་ཡི་ལྷ།། མཆོད་འབུལ་མཉེས་པ་འདི་བཞེས་ལ།། འཁོར་བའི་སྡུག་བསྔལ་ཚིག་པར་མཛོད།། ཧཱུཾ་གྲུ་གསུམ་མེ་ཡི་དཀྱིལ་འཁོར་ནས།། དྲང་སྲོང་ཆེན་པོ་མེ་ཡི
236a2 ལྷ།། ཆིབས་སུ་ར་སྐྱེས་ཁམ་བུ་ཆིབས།། སྐུ་ལ་མེ་ཡི་སྐྲག་པ་གསོལ།། གྷུན་དྷེ་བགྲང་ཕྲེང་ཕྱག་ན་བསྣམས།། རྡོ་རྗེ་ཕུར་པའི་ཞབས་དང་ལྡན།། དུས་གསུམ་རྒྱལ་བའི་སྐུ་མཉེས་པ།། གདུག་བྱེད་དྲག་པོ་མེ་ཡི
236a3 ལྷ།། གདུག་པའི་ཚོགས་ཀུན་སྲེག་པར་བྱེད།། གང་ཡིན་ཞིང་བཅུ་ཚིག་པར་མཛོད།། རྣམ་གསུམ་མཆོད་པ་ལྷ་ལ་འབུལ།། མཉེས་པས་ལྷ་ཡི་དངོས་གྲུབ་སྟེར།། ལྷ་ཡང་དྲག་པོ་མེ་ཡི་ཆས།། རབ་ཏུ་འབར་བའི་ནང་ན
236a4 བཞུགས།། ཧཱུཾ་ཕྱོགས་སྐྱོང་རྒྱལ་པོ་མེ་ཡི་ལྷ།། སྟེང་ཕྱོགས་འབར་བ་མེ་ཡི་ལྷ།། ཕྱག་གཡས་མདའ་གཞུ་རང་འགེངས་བསྣམས།། གཡོན་པ་མེ་ཡི་ཕུང་པོ་འབར།། དཀར་བའི་ཞལ་ནི་གཏིང་ནས་མཐིང་།། བུས་ཤིག
236a5 བུས་ཤིག་མེ་བུས་ཤིག། རྒྱ་མཚོའི་གཏིང་ནས་མེ་ལོང་ལ།། རི་རབ་རྩེ་ནས་མེ་བུས་ཤིག། ཉམས་པ་གང་ཡིན་སྲེག་པར་མཛོད།། འབྱུང་པོ་གང་ཡིན་ཚིག་པར་མཛོད།། ཧཱུཾ་ཕྱོགས་སྐྱོང་རྒྱལ་པོ་མེ་ཡི་ལྷ།། ཤར་ཕྱོགས
236a6 འབར་བ་མེ་ཡི་ལྷ།། ཕྱག་གཡས་འཁོར་ལོ་དཀར་པོ་བསྣམས།། གཡོན་པ་མེ་ཡི་ཕུང་པོ་བསྣམས།། སྐུ་མདོག་དཀར་པོ་ཤིན་ཏུ་གསལ།། བུས་ཤིག་བུས་ཤིག་མེ་བུས་ཤིག། རྒྱ་མཚོའི་གཏིང་ནས་མེ་ལོང་ལ།། རི
iiif viewer powered by OpenSeadragon
