| e-texts navigator |
| Wylie |
235b1 དགེ་སྦྱོང་དམ་པའི་མགོན།། ལ་ལར་ཤ་ཟ་སྲིན་པོའི་གཟུགས།། ལ་ལར་འཇིགས་པ་བདུད་ཀྱི་ཆས།། ལ་ལར་སྲེག་བྱེད་མེ་ཡི་འོད།། མེ་ཡི་རྒྱལ་པོ་ཁྲོ་བོས་ཀྱང་།། སྟོང་གསུམ་ཉོན་མོངས་སྲེག་པར་བྱེད།། འཁོར
235b2 བའི་ཞེན་པ་གཏིང་ནས་སྐེམ།། ཞིང་བཅུ་ལོག་ལྟ་སྲེག་པར་བྱེད།། དེ་ཕྱིར་རབ་ཏུ་བསྲེག་པར་བྱ།། མེ་ལྷ་ཆེན་པོ་སྲེག་པའི་སར།། གྲུ་གསུམ་སུམ་རིམ་གྲངས་སུ་བྱ།། ནག་དང་སེར་ལ་དམར་བའི་འོད།། རང་རང
235b3 ག་འབྲུ་བཀོད་ཀྱང་རུང་།། དྲག་པོའི་ཤིང་ལ་ལེགས་པར་བྱ།། རབ་ཏུ་རྫས་ཀྱི་དམ་པ་ནི།། དམ་པ་གསུམ་གྱི་རྫས་དག་དང་།། ཆན་དང་མེ་ཏོག་སྔོན་པོ་དང་།། ནག་པོའི་འབྲུ་དང་ཉུང་ནག་དང་།། དྲག་པོའི་ཤིང
235b4 དང་མིང་བྱང་དང་།། རབ་ཏུ་དེ་ལ་བསྐོར་ལ་བཞག། དུག་དང་དྲག་པོའི་རྫས་རྣམས་ནི།། མ་ལུས་དེ་ལ་བསྐོར་ཏེ་གཞག། དྲག་པོའི་ལྷ་དང་མཉམ་པའི་རྩང་།། དམར་པོ་བྱས་ཏེ་དེ་ལ་བསྐོར།། རིམ་པས་འབྱུང་བ་དེ
235b5 བཞིན་དུ།། ཧོམ་ཟབ་ནང་དུ་ལྷ་རྣམས་བསྐྱེད།། སྤྱན་དྲང་རིམ་པ་ཡང་དག་བྱ།། བཟླས་བརྗོད་མེ་དང་འདྲ་བ་ཡིས།། ཉོན་མོངས་རྩ་མཆོག་འདྲ་བ་བསྲེག། བསྟོད་པ་བྱ་ཞིང་རབ་ཏུ་མཆོད།། ཏིང་འཛིན་རྩལ་གྱི་ཁྱད
235b6 པར་ལ།། དྲོད་རྣམས་འབྱུང་བར་གདོན་མི་ཟ།། གང་ཡིན་མེ་ཉིད་རབ་ཏུ་སྦྱར།། མེ་ཡི་ལྷ་ཉིད་དེ་བཞིན་སྦྱར།། ཧཱུཾ་མེ་ལྷ་དྲང་སྲོང་ཉོན་མོངས་སྲེག། འབར་བ་མེ་ལྷ་སྤྱན་འདྲེན་ན།། འབར་བ་མེ་ཡི་དབྱིངས་ན
iiif viewer powered by OpenSeadragon
