| e-texts navigator |
| Wylie |
234b1 པོས་རཱ་ཏྲ་འདུལ་བ་ལྟར།། བདུད་རྒྱལ་དྲེགས་པ་འདུལ་བའི་དངོས་གྲུབ་སྩལ་དུ་གསོལ།། ཧཱུཾ་བདུད་དཔུང་ཚོམས་ནས་ཆོས་ཉིད་དོན་མཐོང་བས།། བདུད་རྒྱལ་རཱ་ཏྲས་ཆོས་ཉིད་དོན་རྟོགས་ནས།། ཐུགས་རྗེའི་བྱིན
234b2 རླབས་བདུད་ལ་སྣང་བ་ལྟར།། ཉོན་མོངས་དབྱིངས་སུ་བསྒྲལ་བའི་དངོས་གྲུབ་སྩོལ།། ཧཱུཾ་འཁོར་གྱིས་གདུག་པ་མ་ལུས་བསྒྲལ་བའི་ཕྱིར།། སྟེང་ཕྱོགས་ཁྲོ་རྒྱལ་ཡབ་ཡུམ་འཁོར་དང་བཅས།། ཚངས་པ་འཁོར་བཅས
234b3 རབ་ཏུ་བཏུལ་བ་ལྟར།། འཇིག་རྟེན་དྲེགས་པ་བཏུལ་བའི་དངོས་གྲུབ་སྩོལ།། ཧཱུཾ་རོལ་པ་ཆེན་པོ་སྟེང་གི་སྲས་མཆོག་ཡང་།། ཞིང་བཅུ་སྟོབས་དང་རབ་ཏུ་འབྲལ་མཛད་པ།། བདུད་རྒྱལ་རུ་ཏྲ་གྲོགས་དང་བྲལ་བ
234b4 བཞིན།། ཞིང་བཅུ་སྟོབས་དང་འབྲལ་བའི་དངོས་གྲུབ་སྩོལ།། སྤྲུལ་པས་སྟོང་ཁམས་རབ་ཏུ་བཀང་ནས་ཀྱང་།། འདུལ་བའི་དབང་གིས་གང་ལ་ཅི་འདུལ་སྟོན།། རྒྱལ་བས་སྟོང་གསུམ་སྤྲུལ་པས་བཀང་བ
234b5 ལྟར།། སྤྲུལ་པ་ཁམས་གསུམ་འགེངས་པའི་དངོས་གྲུབ་སྩོལ།། ཧཱུཾ་དཔལ་གྱི་བཀའ་ཉན་ལས་ལ་བརྩོན་པ་མོ།། འཇིག་རྟེན་དྲེགས་པ་མ་ལུས་འདུལ་མཛད་པ།། འཇིག་རྟེན་དབང་དུ་སྡུད་པའི་ལས་བྱས་ལྟར།། དམ
234b6 ལས་མི་འདའ་བཀའ་ཉན་དངོས་གྲུབ་སྩོལ།། ཧཱུཾ་འཇིག་རྟེན་ཁམས་ལ་དབང་སྒྱུར་མཐུ་མོ་ཆེ།། ལས་ངན་ཞིང་བཅུ་མ་ལུས་སྒྲོལ་མཛད་པ།། བཅོལ་ཅིང་རྦད་ན་ལས་སུ་ཕོ་ཉ་མཛད་པ་ལྟར།། གང་དུ་མངགས་པའི
iiif viewer powered by OpenSeadragon
