| e-texts navigator |
| Wylie |
234a1 གདུག་པའི་དབང་རྣམས་ཐོབ་པར་ཤོག། ཧཱུཾ་ཉོན་མོངས་རང་གར་མི་གཏང་བཅིང་བའི་ཕྱིར།། རབ་ཏུ་འཆིང་བྱེད་བཛྲ་ཀཱི་ལ་ཡ།། ཞིང་བཅུ་འཆིང་བྱེད་བཛྲ་ཀཱི་ལ་ཡ།། ཉོན་མོངས་འཆིང་བའི་དབང
234a2 རྣམས་ཐོབ་པར་ཤོག། ཧཱུཾ་གདུག་པ་ཅན་རྣམས་རབ་ཏུ་འདུལ་བའི་ཕྱིར།། སྨྱོ་བྱེད་ཆེན་པོ་བཛྲ་ཀཱི་ལ་ཡ།། ཉོན་མོངས་འཇོམས་ཕྱིར་བཛྲ་ཀཱི་ལ་ཡ།། སྨྱོ་བྱེད་ཆེན་པོའི་དབང་རྣམས་ཐོབ་པར་ཤོག། ཧཱུཾ་གདུག་པ་ཐབས
234a3 ཀྱིས་སྒྲོལ་བ་འཇིགས་པའི་སྐུ།། ཉོན་མོངས་སྒྲོལ་བྱེད་བཛྲ་ཀཱི་ལ་ཡ།། ཞེན་པའི་དངོས་པོ་རབ་ཏུ་གཅོད་བྱེད་པའི།། སྒྲོལ་བ་ཆེན་པོའི་དབང་རྣམས་ཐོབ་པར་ཤོག། ཧཱུཾ་གདོས་པའི་དངོས་པོ་བརླག་པར་བྱ་བའི
234a4 ཕྱིར།། སྟོབ་བྱེད་ཆེན་མོ་བཛྲ་ཀཱི་ལ་ཡ།། གདངས་པའི་ཞལ་དུ་ཉོན་མོངས་སྟོབ་བྱེད་པ།། སྟོབ་བྱེད་ཆེན་པོའི་དབང་རྣམས་ཐོབ་པར་ཤོག། དངོས་གྲུབ་དམ་པ་ལྷ་ཡི་ལྷ།། དུར་ཁྲོད་ཆེན་པོའི་གཞལ་ཡས་དམ་པ
234a5 འདིར།། དུར་ཁྲོད་རྫས་ལ་བརྟེན་ཏེ་བསྒྲུབས་ལགས་ན།། སྣང་སྲིད་བྱམས་པའི་དངོས་གྲུབ་སྩལ་དུ་གསོལ།། ཡེ་ཤེས་ལྷ་ནི་ནམ་མཁའི་རང་བཞིན་ལ།། དངོས་གྲུབ་སྩལ་དང་སྩོལ་བར་མི་དམིགས་ཀྱང་།། གདུག་པ
234a6 ཆེན་པོ་ཐབས་ཀྱིས་འདུལ་བའི་ཕྱིར།། དྲག་པོས་འདྲེན་པའི་དངོས་གྲུབ་སྩལ་དུ་གསོལ།། ཧཱུཾ་ཆོས་ཉིད་ཀུན་ཏུ་བཟང་མོའི་བྱིན་རླབས་ལས།། དྲེགས་པ་འདུལ་བའི་ཐུགས་རྗེའི་བྱིན་རླབས་འབྱུང་།། བདུད་ཀྱི་རྒྱལ
iiif viewer powered by OpenSeadragon
