| e-texts navigator |
| Wylie |
233b1 ཕྱིར་མཚོན་གྱི་རྒྱལ་པོ་དང་།། མཁའ་འགྲོ་གདུག་བྱེད་ཕྱག་ཆས་དབྱིངས་སུ་སྒྲོལ།། འཇོམས་བྱེད་མཚོན་གྱི་དབང་མཆོག་ཐོབ་པར་ཤོག། ཧཱུཾ་དྲག་པོ་མཚོན་གྱི་རྒྱལ་པོ་གཏོར་མ་ལ།། ངར་འཛིན་རབ་ཏུ་བརྟས་པས
233b2 གཅོད་པར་བྱེད།། ཐབས་དང་ཤེས་རབ་ལྡན་པའི་ཟངས་དང་ལྕགས།། གཅོད་བྱེད་རལ་གྲིའི་དབང་རྣམས་ཐོབ་པར་ཤོག། ཧཱུཾ་ཉོན་མོངས་དུག་ལྔ་དྲུག་གིས་འཐིབས་པར་བྱེད།། རུལ་ཅིང་མྱགས་པས་འཁོར་བ
233b3 གཏིང་ནས་སྐེམས།། གཉེན་པོའི་དབང་དུ་ཐབས་ལས་དེ་ལྟར་སྣང་།། ཉོན་མོངས་ཞེན་པ་སྒྲོལ་བའི་དབང་ཐོབ་ཤོག། ཧཱུཾ་ཁྱད་པར་ཆེན་པོ་འབར་བས་ཞེན་པ་གཅོད།། སྣ་ལྔས་མཚོན་ལས་ནད་ལྔས་འཁོར་བ
233b4 ཉེན།། དེ་ཉིད་རྒྱལ་བས་བྱིན་རླབས་རབ་ཏུ་གསུངས།། ཞེན་པ་གཅོད་པའི་དབང་རྣམས་ཐོབ་པར་ཤོག། ཧཱུཾ་གཏུན་ཁུང་གྲུ་གསུམ་ཡུམ་གྱི་མཁའ་དབྱིངས་སུ།། རིག་པ་ཡེ་ཤེས་ཡབ་ཀྱི་རྡོ་རྗེ་འདི།། ཐབས་དང་ཤེས
233b5 རབ་གཉིས་སུ་མེད་པའི་རྟགས།། རྡོ་རྗེ་ཐོ་བའི་དབང་རྣམས་ཐོབ་པར་ཤོག། ཧཱུཾ་ཁམས་གསུམ་གདུག་པ་མ་ལུས་འདུལ་བའི་ཕྱིར།། འབྲེལ་པའི་ལྷ་མཆོག་བཛྲ་ཀཱི་ལ་ཡ།། གང་ཡིན་སྟོང་བྱེད་མཐུ་འཕྲོག་བཛྲ་ཀཱི་ལ
233b6 ཡ།། གདུག་བྱེད་སྟོབས་དང་བྲལ་བའི་དབང་ཐོབ་ཤོག། ཧཱུཾ་ཁམས་གསུམ་ཉོན་མོངས་གནས་སུ་དྲང་བའི་ཕྱིར།། རབ་ཏུ་འགུགས་བྱེད་བཛྲ་ཀཱི་ལ་ཡ།། ཉོན་མོངས་ཞིང་བཅུ་གནས་སུ་འདྲེན་མཛད་པ།། ཉོན་མོངས
iiif viewer powered by OpenSeadragon
