| e-texts navigator |
| Wylie |
232b1 མཆོག་རང་བྱུང་ཡེ་ཤེས་འོད་དང་ལྡན།། འཁོར་བའི་མུན་པ་མ་ལུས་སེལ་མཛད་པ།། རྒྱལ་བའི་ཐུགས་ལ་ཉོན་མོངས་ཉེས་པ་མེད།། སྣང་བ་མར་མེའི་དབང་རྣམས་ཐོབ་པར་ཤོག། ཧཱུཾ་གདུག་པ་ཆེན་པོ་ཐབས་ཀྱིས
232b2 འདུལ་མཛད་པ།། མཐིང་ནག་དྲག་པོས་ཐམས་ཅད་འཇོམས་པའི་སྐུ།། ཞལ་གསུམ་ཕྱག་དྲུག་ཟུར་གསུམ་དཔལ་དང་ལྡན།། སྒྲུབ་པ་དྲག་པོའི་དབང་རྣམས་ཐོབ་པར་ཤོག། ཧཱུཾ་ཉུང་དཀར་རྒྱལ་པོས་ཐམས་ཅད་སྒྲོལ
232b3 བའི་དབང་།། ཁྲོ་བོའི་རྒྱལ་པོ་འབུམ་ཕྲག་བསམ་ལས་འདས།། སྟོང་གསུམ་ཁྲོ་བོས་དུས་གཅིག་ཁེངས་མཛད་པ།། ཉུང་དཀར་རྒྱལ་པོ་སྒྲོལ་བའི་དབང་རྣམས་ཐོབ་པར་ཤོག། ཧཱུཾ་གུ་གུལ་སྦྱར་བའི་རྫས་ཀྱི་དམ་པ
232b4 སྟེ།། ཡེ་ཤེས་ལྔ་བརྙེས་ཉེས་བྱེད་རྟེན་དང་འབྲལ།། རབ་ཏུ་བསྒྲུབས་པས་འོད་དང་དུ་བར་ལྡན།། དྲག་པོ་རྫས་ཀྱི་དབང་རྣམས་ཐོབ་པར་ཤོག། ཧཱུཾ་དུར་ཁྲོད་ཆེན་པོའི་གཞལ་ཡས་ལྷུན་གྱིས་གྲུབ།། རང་བཞིན་ཡེ
232b5 ཤེས་ལྷ་རྣམས་བཞུགས་པའི་རྟེན།། མཐིང་ནག་གྲུ་གསུམ་ཕོ་བྲང་དབུས་གསལ་བའི།། ཕོ་བྲང་ཆེན་པོའི་དབང་རྣམས་ཐོབ་པར་ཤོག། ཧཱུཾ་འཁོར་བ་ཉོན་མོངས་མ་ལུས་སྲེག་པ་སྟེ།། མེ་ཡི་རྒྱལ་པོ་དྲང་སྲོང་རབ་ཏུ
232b6 འབར།། ཐམས་ཅད་སྲེག་པར་བྱེད་པ་མེ་ཡི་དབང་།། ཉོན་མོངས་རང་རྒྱུད་སྲེག་པའི་དབང་རྣམས་ཐོབ་པར་ཤོག། ཧཱུཾ་ཐབས་དང་ཤེས་རབ་ཟུང་དུ་འབྲེལ་པའི་རྟགས།། དྲག་པོ་ཧོམ་ལ་རབ་ཏུ་མཆོད་པར
iiif viewer powered by OpenSeadragon
