| e-texts navigator |
| Wylie |
231b1 ཡི།། ལྕགས་ཀྱི་སྤྱང་མོ་ཁམས་གསུམ་དབང་དུ་སྡུད།། མངགས་པས་ཕོ་ཉའི་ཚུལ་ཏེ་རྔམ་པའི་གདངས།། དབང་སྡུད་དམ་ཅན་དབང་མཆོག་ཐོབ་པར་ཤོག། ཁྱི་མོ་རལ་བས་ཁམས་གསུམ་དངངས་པའི
231b2 བདག། ཁམས་གསུམ་ཟས་སུ་ཟ་བའི་རྐན་སྒྲ་ཅན།། སྲིད་གསུམ་སྐོམ་དུ་འཐུང་བའི་ཧུབ་སྒྲ་ཅན།། དམ་ཅན་མཁའ་འགྲོའི་དབང་མཆོག་ཐོབ་པར་ཤོག། ཧཱུཾ་འཕར་བ་ལྕེ་བརྒྱད་སྣང་སྲིད་སིལ་བུར་འདོན།། ཁམས
231b3 གསུམ་ཀུན་ཏུ་ཕྱོགས་བཞིའི་དམག་དཔུང་འཇོམས།། ང་རོ་ཆེན་པོ་ཕྱོགས་བཅུ་ཀུན་ཏུ་སྒྲོགས།། མཁའ་འགྲོ་རྒྱས་པའི་དབང་མཆོག་ཐོབ་པར་ཤོག། ཧཱུཾ་ཟངས་ཀྱི་ཝ་མོས་སྣང་སྲིད་གདུག་པ་འདུལ།། རི་རབ་རྩེ་ནས
231b4 སྙིལ་བའི་དབང་མོ་ཆེ།། ཙིཏྟ་དོན་སྙིང་ཟ་བའི་རྐན་སྒྲ་ཅན།། དབང་སྡུད་མཁའ་འགྲོའི་དབང་མཆོག་ཐོབ་པར་ཤོག། ཧཱུཾ་ཁམས་གསུམ་ནད་ཀྱི་བདག་མོ་དབང་སྒྱུར་མ།། འཇིག་རྟེན་ཁམས་ཀུན་ཁྱབ་པའི་བྱ་མ
231b5 རྟ།། མི་ཕྱུགས་ཀུན་ལ་མངའ་མཛད་དབང་མོ་ཆེ།། གདུག་པ་མ་མོའི་དབང་རྣམས་ཐོབ་པར་ཤོག། ཧཱུཾ་དུས་གསུམ་ཀུན་ཏུ་རྒྱལ་བའི་སྒྲ་བརྙེས་པ།། བསྟན་པ་རྒྱས་པའི་སླད་དུ་ཕྲིན་ལས་མཛད།། སེར་ནག་ཆེན་མོ
231b6 ཁམས་གསུམ་ཀུན་གྱི་བདག། མཁའ་འགྲོ་དབང་སྡུད་དབང་རྣམས་ཐོབ་པར་ཤོག། ཧཱུཾ་ལས་སུ་ཤ་ཁྲག་རོ་ལ་རྔམ་པའི་ཡུམ། ཁྲག་འཐུང་དམར་ནག་སྲིད་གསུམ་དབང་དུ་སྡུད།། སྟོང་ཁམས་དགེ་སྡིག་བྱ་ར་བྱེད་པའི
iiif viewer powered by OpenSeadragon
