| e-texts navigator |
| Wylie |
231a1 དབང་ཐོབ་ཤོག། ཧཱུཾ་ཡེ་ཤེས་རྡོ་རྗེ་རབ་ཏུ་འབར་བ་ཡིས།། རྡོ་རྗེ་གཤོག་པས་ཁམས་གསུམ་ཟིལ་གྱིས་གནོན།། གདུག་བྱེད་རང་དབྱུང་མེད་པར་གནོན་མཛད་པར།། རྡོ་རྗེ་གཤོག་པའི་དབང
231a2 མཆོག་ཐོབ་པར་ཤོག། ཧཱུཾ་ཞིང་ཆེན་གཡང་གཞིས་འདོད་ཆགས་རྩད་ནས་གཅོད།། གླང་ཆེན་ཀོ་རློན་ཐུགས་རྗེ་སྟོབས་ཀྱི་བདག། སྟག་ཤམ་ཕྲིན་ལས་ཐམས་ཅད་རྒྱས་པའི་རྟགས།། བདུད་ཆས་དཔའ་བོའི་དབང
231a3 རྣམས་ཐོབ་པར་ཤོག། ཧཱུཾ་རྡོ་རྗེ་ཐོད་ཁྲག་རབ་ཏུ་གསོལ་བ་ཡིས། ཁམས་གསུམ་ཆགས་པ་རབ་ཏུ་ཞི་བར་མཛད།། འདོད་ཆགས་རྩད་ནས་གཅོད་བྱེད་ཐོད་པའི་ཁྲག། རཀྟ་ཆེན་པོའི་དབང་མཆོག་ཐོབ་པར་ཤོག། ཧཱུཾ
231a4 ཅོད་པན་དམར་སྔོ་རབ་ཏུ་འཕུར་བྱེད་པའི།། ཐབས་དང་ཤེས་རབ་སྣ་གཉིས་ཚོན་དུ་ལྡན།། འཁོར་བ་དབྱིངས་སུ་འདྲེན་པའི་མཚན་མ་སྟེ།། རབ་ཏུ་བརྒྱན་པའི་དབང་མཆོག་ཐོབ་པར་ཤོག། ཧཱུཾ་དུས་གསུམ་རྒྱལ་བ
231a5 མ་ལུས་མཉེས་མཛད་པ། ཁམས་གསུམ་འཁོར་བའི་བག་ཆགས་སྤྱོད་མཛད་པའི།། ལྷ་མོ་ལྔ་དང་ལྡན་པའི་མཆོད་པ་ཡིས།། མཆོད་པ་རྒྱ་ཆེར་མཆོད་པའི་དབང་ཐོབ་ཤོག། ཧཱུཾ་དངོས་མེད་སྐུ་ལ་རྒྱལ་བར་བཞེངས
231a6 མཛད་པའི།། བཟླས་བརྗོད་གྲངས་ཀྱི་སྙིང་པོ་རབ་ཏུ་འབུལ།། ཐུགས་དམ་ཆེན་པོ་བསྙེན་པ་འབུལ་བའི་རྟེན།། བཟླས་བརྗོད་བསྙེན་པའི་དབང་རྣམས་ཐོབ་པར་ཤོག། ཧཱུཾ་འཇིག་རྟེན་ཁམས་རྣམས་དབང་དུ་སྡུད་པ
iiif viewer powered by OpenSeadragon
