| e-texts navigator |
| Wylie |
230b1 ཤོག། ཧཱུཾ་ཐུགས་རྗེའི་ཕུར་པས་གདུག་པ་འདུལ།། བགེགས་ཀྱི་རྒྱལ་པོ་སྒྲོལ་མཛད་པ།། འཁོར་བ་བདར་གཅོད་དབྱིངས་སུ་སྒྲོལ།། གདུག་པ་འདུལ་བའི་དབང་ཐོབ་ཤོག། ཧཱུཾ་ཞག་གི་ཟོ་རིས་དམ་རྫས་བཅུད་ཀྱི
230b2 རྒྱན།། ཐལ་ཆེན་ཚོམ་བུ་འཁོར་བ་འཇོམས་པའི་རྟགས།། རཀྟའི་ཐིག་ལེ་ཐུགས་རྗེ་ཆགས་པའི་རྟགས།། མཚན་མ་རྣམ་པ་གསུམ་གྱི་དབང་ཐོབ་ཤོག། ཧཱུཾ་ཐོད་པ་རློན་པ་ཆོས་ཀྱི་སྐུ་ཡི་རྟགས།། ཐོད་པ་སྐམ་པོ
230b3 ལོངས་སྤྱོད་རྫོགས་པའི་རྟགས།། ཐོད་པ་ཚལ་བུ་སྤྲུལ་པ་སྐུ་ཡི་རྟགས།། སྐུ་གསུམ་མཚོན་བྱེད་ཐོད་པའི་དབང་ཐོབ་ཤོག། ཧཱུཾ་རིགས་བཞི་ཀླུ་རྣམས་མ་ལུས་འདུལ་བའི་རྟགས།། གདུག་པ་སྦྲུལ་ནི་རིགས་བཞིས་སྐུ་ལ
230b4 བརྒྱན།། ཞེ་སྡང་ཆེན་པོ་གནས་སུ་འཇོམས་མཛད་པ།། གདུག་པ་ཆས་ཀྱི་དབང་རྣམས་ཐོབ་པར་ཤོག། ཧཱུཾ་ཡེ་ཤེས་མེ་དཔུང་འཁོར་བ་སྲེག་པའི་རྟགས།། ཡེ་ཤེས་མེ་རི་ལྗང་སེར་དམར་པོའི་འོད།། མདོར་ན་ཡེ་ཤེས
230b5 ལྔ་ཡི་རང་བཞིན་ཏེ།། དུག་ལྔ་སྲེག་པའི་དབང་རྣམས་ཐོབ་པར་ཤོག། ཧཱུཾ་ཁམ་ནག་རལ་པ་ཀུན་གྱི་རྒྱན་དུ་བཅིངས།། སྲིད་པའི་རྩེ་མོ་ཟིལ་གྱིས་གནོན་པའི་རྟགས།། གཏི་མུག་ཆེན་པོ་རྩད་ནས་བཅད་ནས
230b6 ཀྱང་།། དབུ་སྐྲ་རལ་པའི་དབང་མཆོག་ཐོབ་པར་ཤོག། ཧཱུཾ་ཚོན་གང་སྐུ་ཡི་བ་སྤུའི་བུ་ག་རྣམས།། ཐུགས་རྗེ་ཆེན་པོའི་བྱིན་རླབས་ཅིར་ཡང་སྣང་།། རྡོ་རྗེ་ཕུར་པ་རབ་ཏུ་ཀཱི་ལ་ཡ།། གདུག་པ་འཇོམས་པའི་ལྷ་རྣམས
iiif viewer powered by OpenSeadragon
