| e-texts navigator |
| Wylie |
228b1 པའོ།། །། དེ་ནས་བཅོམ་ལྡན་འདས་དབང་རྣམས་བསྐུར་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་རིགས་ཀྱི་དབང་མཆོག་སྟེ།། དབང་རྣམས་ཐོབ་པར་མ་བྱས་ན།། ལས་རྣམས་འབྲས་བུ་མེད
228b2 པར་འགྱུར།། དཔེར་ན་ནོར་བུ་རིན་ཆེན་ཡང་།། ཕྱི་དོར་མཆོད་པ་མ་བྱས་ཤིང་།། རྒྱལ་མཚན་རྩེ་ལ་མ་འཕྱར་ན།། རྫས་རྣམས་འབྱུང་བར་ག་ལ་འགྱུར།། དེ་བཞིན་དབང་རྣམས་མ་རྫོགས་པར།། སྣ་ཚོགས་ཤེས་པ
228b3 མུ་མེད་ཀྱང་།། འབྲས་བུ་ཡེ་ཤེས་ག་ལ་ཐོབ། དབང་མཆོག་ཐོབ་པར་མ་བྱས་ཤིང་།། བླ་མ་མཉེས་པར་མ་ཐོགས་ན།། རྫ་བྱས་བེའུར་ལུས་པ་འདྲ།། རྫ་ལ་ཚོན་གྱིས་བྱུག་པ་བཞིན།། ཡང་དག་དོན་དང་ལྡན་མི
228b4 འགྱུར།། ཧཱུཾ་འཁོར་བ་བྱང་ཆུབ་ཐོབ་བྱའི་ཕྱིར།། འདོད་པའི་སྟོབས་སུ་གྱུར་པ་ཡིས།། བདེ་བར་གཤེགས་པའི་མཚོན་པ་འདིས།། འཁོར་བའི་དུག་འཇོམས་དབང་ཐོབ་ཤོག། ཧཱུཾ་རྟོགས་པའི་ཁྱད་པར་མཚོན་བྱེད
228b5 པའི།། གབ་པས་རྨོངས་པ་སེལ་བྱེད་པའི།། ལས་ཤན་འབྱེད་པའི་ཕྱག་ཤིང་འདིས།། རྟོགས་ཤིང་ཤེས་པའི་དབང་ཐོབ་ཤོག། ཧཱུཾ་ཐབས་དང་ཤེས་རབ་གཉིས་མེད་པའི།། རིན་ཆེན་གསེར་བས་ལྷག་པས
228b6 ན། ཡབ་ཡུམ་གཉིས་སུ་མེད་པ་སྟེ།། གཉིས་མེད་སྒྲ་དབྱངས་དབང་ཐོབ་ཤོག། ཧཱུཾ་ཆོས་རྣམས་ཐུགས་སུ་ཆུད་པ་དང་།། ཐམས་ཅད་རྡོ་རྗེ་སེམས་དཔའ་སྟེ།། འགྲོ་བ་ཀུན་ལ་ཁྱབ་པར་གནས།། བདེ་གཤེགས་སྙིང
iiif viewer powered by OpenSeadragon
