| e-texts navigator |
| Wylie |
228a1 སྟེ།། ལྷ་ཡང་དེ་བཞིན་དངོས་དང་བྲལ།། མེད་པ་མ་ཡིན་སྙིང་པོའི་དོན།། སྙིང་པོ་ནམ་མཁའི་མཐའ་ཡས་ལྟར།། རང་བྱུང་ཡེ་ཤེས་ཆེན་པོའི་དོན།། དང་པོ་གང་ནས་མ་བྱུང་བས།། ཐ་མ་གར་ཡང་འགྲོ
228a2 བ་མེད།། སྣང་སྲིད་གཏོར་མའི་རང་བཞིན་ལ།། ཟད་པ་མེད་ཅིང་འཕེལ་བ་མེད།། ཐམས་ཅད་བདུད་རྩིའི་རང་བཞིན་ལ།། སྤང་ཞིང་བླང་བ་གང་ཡང་མེད།། ཐམས་ཅད་དམ་རྫས་རྣམ་ལྔ་ནི།། ཡེ་ཤེས་ལྔ་ཡི་རང
228a3 བཞིན་ཏེ།། ཐམས་ཅད་རྩ་བ་ལྔ་རུ་སྨིན།། སྨན་དུ་མི་འགྱུར་གང་ཡང་མེད།། ལྷ་ཡང་དངོས་མེད་གཞི་རྩ་བྲལ།། རྫས་ཀྱང་དངོས་མེད་གཞི་རྩ་བྲལ།། བེམ་པོ་རིལ་པོ་ཐོ་ཡོར་དང་།། རང་རྒྱུད་འཛིན་པ་གཏིང་ནས
228a4 གྲོལ།། དངོས་པོར་བཟུང་དུ་ག་ལ་ཡོད།། འགྲོ་བ་ཞེན་པ་བྲལ་བ་དང་།། ཉོན་མོངས་སེར་སྣ་སྦྱང་བ་དང་།། དྲང་བའི་དོན་དུ་བཟུང་བར་ཟད།། རྒྱལ་བ་བགྲེས་རྒུད་མི་མངའ་ཞིང་།། སྒྲིབ་དང་བསེར་བ་གང་ཡང
228a5 མེད།། དེ་ཕྱིར་མཆོད་པ་ངེས་དོན་མེད།། ཐམས་ཅད་རང་རིག་བྱང་སེམས་ལ།། ལྷ་ལ་འབུལ་ཞིང་ཚོགས་བསགས་པ།། ཟག་པར་བཅས་པའི་མཆོད་པ་བཞིན།། འཛིན་མེད་དམིགས་པ་ང་བདག་མེད།། ལེན་བྱེད
228a6 འཛིན་པ་མི་དམིགས་ཤིང་།། རྣམ་པ་གསུམ་ཆར་མི་དམིགས་ན།། འབྲས་བུ་ཡེ་ཤེས་ཚོགས་སོགས་འགྱུར།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། མཁའ་འགྲོ་མའི་གཏོར་མ་བཏང་བའི་ལེའུ་སྟེ་སོ་གསུམ
iiif viewer powered by OpenSeadragon
