| e-texts navigator |
| Wylie |
227a1 ཆེན་པོའི་སྐུ་ལ་ཕྱག་འཚལ་བསྟོད།། ཡེ་ཤེས་ཆེན་པོའི་སྐུ་ལ་ཕྱག་འཚལ་བསྟོད།། གདུག་བྱེད་སྲིན་པོའི་སྐུ་ལ་ཕྱག་འཚལ་བསྟོད།། འཇོམས་བྱེད་ཆེན་པོའི་སྐུ་ལ་ཕྱག་འཚལ་བསྟོད།། མ་མོ་མངའ
227a2 མཛད་ལྷ་ཆེན་ཁྱོད་ལ་ཕྱག་འཚལ་བསྟོད།། མེ་དཔུང་འབར་བའི་དཀྱིལ་འཁོར་ནང་ན་བཞུགས།། ལྗང་ནག་མེ་ཡི་ཕྲིན་ལས་མཐའ་རུ་ཕྱིན།། རྡོ་རྗེ་ཕུར་པ་གཅིག་བཏབ་པས།། དུས་གསུམ་བདེ་གཤེགས་ཐམས་ཅད
227a3 ཀྱང་།། བྱིན་རླབས་ཆེན་པོ་ཆར་ལྟར་ཕོབ།། ཞིང་བཅུ་འཁོར་བ་གཏན་ནས་སྐོམས།། ཁྲོས་པའི་ལྷ་མཆོག་དུས་ལ་བབ།། སྙིང་གི་དཀྱིལ་དུ་ཕུར་པ་ཐོབ།། སྐུ་མཆོག་རབ་ཏུ་ཀཱི་ལ་ཡ།། སྒྲོལ་བའི་ལས་ཉིད་གྲུབ་པར
227a4 མཛོད།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲེགས་པ་ཅན་གྱི་ཡི་གེ་བཏུ་བ་དང་། དྲག་པོའི་ལྷ་ལ་བསྟོད་པའི་ལེའུ་སྟེ་སོ་གཉིས་པའོ།། །། དེ་ནས་བཅོམ་ལྡན་འདས་མཁའ་འགྲོ་མ་རབ་ཏུ་མཆོད་པའི
227a5 ཏིང་ངེ་འཛིན་ལ་སྙོམས་པར་ཞུགས་ཏེ། མཁའ་འགྲོ་རྣམ་གསུམ་མཆོད་པ་ཡང་།། གླིང་གསུམ་པ་ཡི་བྷན་དྷ་རུ།། སྙིང་དང་དངས་མ་འབྲས་བུ་དང་།། མི་དབང་འབྲས་བུའི་ཤ་དག་དང་།། གཞོབ་མགོ་སྣ་སྐམ་ལྟོ་སེར
227a6 དང་།། ཆུ་ལུག་སྨུག་ནག་གང་ཡང་རུང་།། དམ་རྫས་ཚང་བའི་གཏོར་མ་དང་།། སྨན་དང་རཀྟ་བཅས་པ་ལ།། དང་པོ་དངོས་མེད་སྟོང་པ་ལས།། དཔལ་ཡི་སྐུ་བསྐྱེད་བསྲུང་བ་བྱ།། བྱིན་རླབས་གཞུང་དུ་དེ
iiif viewer powered by OpenSeadragon
