| e-texts navigator |
| Wylie |
226b1 ཕྱག་གཉིས་སྲིད་གསུམ་སྒྲོལ།། སྟོད་ནི་ཞལ་གཅིག་ཕྱག་གཉིས་ལ།། གདངས་པའི་ཞལ་གཅིག་གདུག་པ་གསོལ།། མཆེ་བ་གཙིགས་བསྣོལ་སྲིད་གསུམ་སྒྲོལ།། གདུག་པ་རྩད་གཅོད་སྤྱན་མིག་གསུམ།། དབྱིངས་སུ
226b2 སྡུད་པའི་ཤངས་དང་ལྡན།། གདུག་པ་འཇོམས་པའི་སྙན་དང་ལྡན།། རལ་པ་ཁམ་ནག་སྲིད་པ་འཇོམས།། སྤུ་རིས་ངན་སོང་གནས་ནས་འདྲེན།། ཕྱག་གཉིས་རྡོ་རྗེ་ཕུར་པ་ཡིས།། གདུག་བྱེད་བདུད་ཀྱི་རྒྱལ་པོ
226b3 འཇོམས།། སྨད་ནི་ཟུར་གསུམ་དཔལ་དང་ལྡན།། དབང་དང་དྲག་པོའི་ཆ་བཟུང་ནས།། དབང་གིས་ཁམས་གསུམ་དབང་དུ་སྡུད།། དྲག་པོས་ངན་སོང་གདར་ཤ་གཅོད།། དབང་དང་དྲག་པོས་རབ་ཏུ་སྒྲོལ།། ལེ
226b4 བརྒན་དམར་པོའི་མདོག་འདྲ་བས། ཁམས་གསུམ་དབང་དུ་སྡུད་པ་དང་།། འདོད་ཆགས་རྩད་ནས་གཅོད་པའི་རྟགས།། སྟོང་གསུམ་མངའ་མཛད་ལྷ་ཡི་ལྷ།། གདུག་པ་སྒྲོལ་བ་དྲག་པོའི་ཞལ།། དབང་དུ་སྡུད་པ
226b5 དམར་པོའི་སྐུ།། འཁོར་བ་གདར་གཅོད་ཕུར་པའི་ཕྱག། འཇིགས་བྱེད་སྤ་བཀོང་དུར་ཁྲོད་ཆས།། ཟུར་གསུམ་དཔལ་ལྡན་དྲག་པོའི་ཞབས།། གྲུ་གསུམ་ཨེ་ཡི་མཎྜལ་ནས།། གདུག་བྱེད་བསྣོལ་བའི་གདན་སྟེང
226b6 ནས།། རྡོ་རྗེ་རབ་ཏུ་ཀཱི་ལ་ཡ།། འཁོར་བ་སྒྲོལ་ཅིག་ཀཱི་ལ་ཡ།། བདུད་དཔུང་འཇོམས་ཤིག་ཀཱི་ལ་ཡ།། འཁོར་རྣམས་སྡུས་ཤིག་ཀཱི་ལ་ཡ།། ཞིང་བཅུ་སྒྲོལ་ཅིག་ཀི་ལ་ཡ།། འཁོར་བ་སྒྲོལ་ཅིག་ཀཱི་ལ་ཡ།། རོལ་པ
iiif viewer powered by OpenSeadragon
