| e-texts navigator |
| Wylie |
225b1 བསྐྱོད་དང་བསྟོད་པ་དང་།། སྙན་གསན་སྤྱན་དྲང་བསྟིམ་པ་དང་།། མཆོད་པ་སྒྲོལ་བྱེད་རྣམ་གཉིས་དང་།། བསྐུལ་དང་སྔགས་ཚིག་བསྟོད་པ་དང་།། ཚིག་ལ་ལས་བཞི་གདབ་པ་དང་།། བསྟབ་པ་ལ་སོགས་དེ་བཞིན
225b2 བྱ།། མཚན་མ་བརྟན་པོ་བྱུང་བ་དང་།། བྱེ་བྲག་ཏུ་ནི་ཤེས་པར་བྱ།། བསྙེན་བསྒྲུབ་སྔགས་ཀྱི་ཁྱད་པར་ནི།། དམར་མོ་ལས་སྔགས་གཅིག་གིས་བསྟན།། དེ་ཡིས་མཚན་མ་བྱུང་བ་དང་།། དྲག་པོ་ཉིད་ཀྱི་ཕོཉ
225b3 བཏང་།། ལྷ་ཉིད་སྒྲོལ་སྔགས་ལས་སྔགས་བཅས།། དངོས་པོར་འཛིན་པའི་བག་ཆགས་སྒྲོལ།། སྟོང་པའི་དོན་སྟོན་སྔགས་ཀྱི་གནས།། རང་བཞིན་དོན་གྱི་བདེན་པ་བདར།། མི་འཁོར་ཐུན་རྣམས་དེ་བཞིན་བྱ།། མེ
225b4 ལ་བསྲེགས་དང་བཀྲ་ཤིས་དང་།། ཚེ་བསྟིམ་རིམ་པ་མ་ནོར་བྱ།། ལས་རྣམས་མ་ལུས་རྫོགས་པར་འགྱུར།། ཧཱུཾ་སྐུ་མདོག་དུག་མདོག་ནག་པོ་ལ།། བར་བར་སྟང་ཟིལ་བཅག་པ་འདྲ།། མཐིང་ནག་རྔམ་པའི་མདངས
225b5 དང་བཅས།། ཞལ་གསུམ་ནག་པོར་འགྱུར་བ་མེད།། བསྒྲུབ་པ་ཆེན་པོ་ལས་ཀྱི་མཆོག། དང་པོར་ཆོས་ཉིད་སྟོང་པའི་དབྱིངས།། བར་དུ་ཐུགས་རྗེ་བྱིན་རླབས་འབྱུང་།། ཐ་མར་གདུག་པ་ཐབས་ཀྱིས་འདུལ།། བདུད
225b6 ཀྱི་དམག་དཔུང་རབ་ཏུ་འཇོམས།། ཟ་བྱེད་རྔམས་པས་རབ་ཏུ་ཟ།། ཧ་ཧ་ཧ་ཡི་གདངས་ཀྱིས་ཀྱང་།། ཉོན་མོངས་གདུག་པ་ཟིལ་གྱིས་གནོན།། ཧཱུཾ་ཧཱུཾ་ཧཱུཾ་གིས་སྒྲ་ཕྱུང་བས།། སྲིད་གསུམ་གདུག་པ་དབང་དུ་སྡུད།། ཕཊ།
iiif viewer powered by OpenSeadragon
