| e-texts navigator |
| Wylie |
225a1 དག་ཏུ་བཅུག་ཀྱང་རུང་།། དེ་ཡིས་འགྲོ་བའི་ལས་རྣམས་བྱེད།། རྐྱང་པ་རེ་ལ་དྲག་སྔགས་རེ།། ཡེ་ཤེས་ལྷ་ཡི་སྔགས་ཉིད་ལ།། དམར་པོ་སྐུ་སྔགས་ལས་སྔགས་བཅས།། མ་མོ་ཕྱི་མ་དེ་བཞིན
225a2 སྟོན།། རྒྱལ་བ་གཅིག་བསྒྲུབས་ཀུན་ཀྱང་འགྲུབ།། དུར་ཁྲོད་ཆེན་པོའི་གནས་དག་ཏུ།། མཎྜལ་མདའ་གང་བྱས་ནས་སུ།། རྣམ་པ་ལྔ་ཡི་ཆག་ཆག་གདབ།། ཐིག་དང་ཚོན་རྣམས་རིམ་པ་སྟེ།། གྲུ་གསུམ་ཟླ་གམ་མུ་ཁྱུད
225a3 ལ།། ཐོད་པ་སྐམ་རློན་བརྩིག་པ་བཏང་།། དབུས་སུ་མཚན་མའི་ཡི་གེ་དགོད།། ཤར་དུ་སྒོ་བཏོད་རིམ་པ་གསུམ།། དང་པོར་ལྷུ་དུམ་བཅད་སོར་ཁ།། གཉིས་པ་རྒྱུ་ཞགས་བཏང་བའོ།། གསུམ་པ་ལྕགས་ལ་མེ་རི
225a4 བཏང་།། དང་པོར་བདེ་གཤེགས་རབ་མཆོད་ལ།། བསྲུང་བར་བྱ་ལ་ཡང་དག་བཤད།། གསུམ་ལས་བྱིན་བརླབས་སྙན་གསན་དང་།། སྤྱན་དྲང་བསྟིམ་དང་དབང་བསྐུར་དང་།། ཕུར་པ་བསྐོར་ཞིང་གཞུག་པ་དང་།།
225a5 ཁ་བཅད་རྫས་གསུམ་མཆོད་པར་དབུལ།། གོང་དུ་སྔགས་དང་ཚིག་སྦྱར་ལ།། གཞུག་པ་སྔགས་ཚིག་གཉིས་སུ་བསྟན།། གཏུན་དང་རྡོ་རྗེ་ཐོ་བ་དང་།། གང་ཡིན་རྫས་རྣམས་ཡང་དག་དགྲམ།། བརྟེན་པ་ལས་བཞིའི
225a6 ལས་བྱ་ཞིང་།། དབུལ་དང་གཟིར་བ་སྔགས་ཀྱིས་བྱ།། ཁྱད་པར་ཅན་དང་དྲག་པོ་དང་།། ཁྱད་པར་གཏོར་མ་ལ་སོགས་རྫས།། རིམ་པས་ཡང་དག་དགོད་པར་བྱ།། ཏིང་འཛིན་ཆེན་པོའི་བྱིན་རླབས་ལས།། གཙོ་བོ
iiif viewer powered by OpenSeadragon
