| e-texts navigator |
| Wylie |
221b1 སྦྱར།། རྡོ་རྗེ་ལས་ཀྱི་ཁྲོ་བོ་ཡིས།། དོན་དམ་དབྱིངས་སུ་དགོད་པར་བྱ།། དྲུག་པ་ལ་ནི་ཐ་མ་ལ།། བརྒྱད་པ་ཡི་ནི་ན་ཡ་དང་།། དང་པོ་ཡི་ནི་ཐ་མར་སྦྱར།། དང་པོ་ཡི་ནི་དེ་ཉིད་དང་།། ལྔ་པ་ཡི་ནི་གསུམ་པ
221b2 དང་།། དྲུག་པ་ཡི་ནི་ཐ་མ་ལ།། བརྒྱད་པ་ཡི་ནི་ན་ཡ་དང་།། དང་པོ་ཡི་ནི་ཐ་མར་སྦྱར།། འཁོར་བའི་རྣམ་རྟོག་ཀུན་བསྡུས་ནས།། རྩ་མཆོག་བཞིན་དུ་སྲེག་པར་བཤད།། ཡི་གེ་དཱ་པོ་གཉིས་པོ་ཡང་།། སྟོང་པ་ཉིད་ཀྱི
221b3 ཡི་གེ་སྟེ།། འཛིན་པ་སྟོང་པ་བསྒྲལ་བར་བཤད།། དེ་ཡིས་ཡང་དག་དོན་རྟོགས་འགྱུར།། དངོས་པོ་འཛིན་པར་རང་རང་སྔགས།། སྟོང་པར་སྒྲོལ་བ་དེ་ཉིད་དོ།། སྔགས་ནི་འཁྲུགས་པ་སྡེབ་པར་བསྟན།། ཨོཾ་ལམ་ཧཱུཾ
221b4 ལས་ཡབ་དང་ཡུམ།། ཀཱི་ལི་གོང་དང་ཧཱུཾ་ཀ་ར།། གདུག་པ་འཁོར་བཅས་སྔགས་སུ་བཤད།། ཀཱི་ལི་འོག་མ་ཕིག་དང་བཅས།། གདུག་བྱེད་སྲས་མཆོག་དྲུག་ཏུ་བཤད།། སྟམ་བྷ་ཐབས་དང་ཤེས་རབ་སྔགས།། གཉིས
221b5 མེད་སྦྱོར་བས་ཉོན་མོངས་སྤྱོང་།། དྲག་པོ་ཡབ་ཡུམ་སྒྲོལ་བར་བཤད།། མོ་ཧ་མིང་ལ་གྷ་ཡ་རུས།། རྟེན་ལ་དབབ་པའི་ལས་སུ་བཤད།། ཛཿཧཱུཾ་བཾ་ཧོས་ཕྱག་རྒྱ་བཞི།། རྟེན་དང་གཉིས་སུ་མེད་པར་བཤད།། ཡཾ་དང་ཧཱུཾ
221b6 གིས་བསྡུས་པའི་སྔགས།། ཉོན་མོངས་རང་དབང་མེད་པར་བཤད།། བྷ་ག་བཱན་ནི་བཅོམ་ལྡན་འདས།། སྒྲོལ་བའི་གཙོ་བོ་མིན་པར་བཤད།། ཤྲི་ཀྲི་ཡབ་དང་བི་ཀྲི་ཡུམ།། གཉིས་མེད་ཡབ་ཡུམ་བྱང་དུ
iiif viewer powered by OpenSeadragon
