| e-texts navigator |
| Wylie |
21a1 དག། བཅུད་ནི་ཧཱུཾ་ལས་བསམ་པར་བྱ།། ཡཾ་གིས་འབར་བའི་མེ་བསྐྱོད་ནས།། ར་གྱི་མེ་ཡིས་ཨ་ཞུ་ནས།། བཅུད་ཀྱི་ཧཱུཾ་ལ་ཐིམ་པར་གྱུར།། ཧཱུ~ཾ་ནི་རྣམ་པར་ཞུ་གྱུར་ནས།། ཕྱོགས་བཅུར་འོད་ཟེར་འཕྲོས
21a2 པ་ལས།། དུས་གསུམ་རྒྱལ་བའི་ཐུགས་དམ་བསྐུལ།། སླར་འདུས་བདུད་རྩི་ཉིད་དུ་གྱུར།། བདུད་རྩི་བྱིན་བརླབས་ཆེན་པོ་ཡིས།། ཡེ་ཤེས་ལྷ་ལ་མཆོད་པར་དབུལ།། བདག་ལ་བདག་མཆོད་མཉམ་ཉིད་ཐིམ།། འོད
21a3 ཟེར་གསུམ་དུ་རྣམ་པར་གསལ།། དཀར་དམར་ནག་པོའི་འོད་དང་གསུམ།། དབུལ་དང་བཤགས་པ་བསྟབ་པར་བྱ།། དགུག་དང་བཅིང་དང་བསྒྲལ་བ་དང་།། རིམ་པ་བཞིན་དུ་རྫོགས་པར་བྱ།། རྡོ་རྗེ་ཁྲོས་པ་རྩ་བའི
21a4 རྒྱུད་ལས།། ཚོགས་སྒྲུབ་པའི་ལེའུ་སྟེ་བཅུ་བཞི་པའོ།། །། དེ་ནས་ཐམས་ཅད་བསྡུས་པའི་དཀྱིལ་འཁོར་རྣམ་པར་བསྡུས་ནས། དཀྱིལ་འཁོར་འདོམ་གང་གྲུ་བཞི་ལ།། དྲི་ཡི་རྒྱལ་པོ་ལྔ་ཡིས་བྱུག། མཐིང་བག
21a5 གྲུ་གསུམ་ནག་པོ་ལ།། དྲག་པོ་ཧཱུཾ་གིས་མཚན་པ་བྲི།། སྒོ་དང་རྟ་བབས་དེ་བཞིན་ནོ།། ལྕགས་སམ་སེང་ལྡིང་ཕུར་པ་ལ།། མཐིང་ནག་དར་གྱི་ཅོད་པན་ཅན།། ཉུང་དཀར་རྒྱལ་པོ་དག་དང་ནི།། གུ་གུལ་སྦྱར་བ་ལ
21a6 སོག་པ།། དབང་བསྐུར་རིམ་པར་བྱས་ནས་སུ།། དྲག་པོ་གྲུ་གསུམ་དབུས་སུ་དགོད།། ཤ་ཁྲག་སྣ་ཚོགས་གཏོར་མ་དང་།། རིམ་པ་བཞིན་དུ་སྐུར་བསྐྱེད་བྱ།། མཆོད་པ་དབུལ་ཞིང་ཕྲིན་ལས་བཅོལ།། སྒྲུབ་ཆེན་ལས
iiif viewer powered by OpenSeadragon
