| e-texts navigator |
| Wylie |
218b1 པ་ཡི་ནི་ན་ཡར་སྦྱར།། ལྔ་པ་ཡི་ནི་གསུམ་པ་ལ།། བརྒྱད་པ་ཡི་ནི་ན་ཡར་སྦྱར།། དེ་ཉིད་རིམ་པར་ཡང་དག་འབྱུང་།། བཞི་པ་ཡི་ནི་གསུམ་པ་དང་།། གཉིས་པ་ཡི་ནི་གསུམ་པ་ལ།། ལྔ་པ་ཡི་ནི་གསུམ་པ་སྦྱར།། ནག
218b2 པོ་ལས་ཀྱི་ཐུན་དུ་བཤད།། རང་རང་རྩ་བཞི་སྙིང་པོ་དང་།། ཐུན་དང་དྲག་སྔགས་དྲག་པོ་ལ།། བསེ་མོའི་ལས་སྔགས་རབ་ཏུ་སྦྲེལ།། རིམ་པ་གྲངས་སུ་བསྟན་པ་ནི།། རྣམ་པ་གཉིས་ཀྱི་ཐུན་སྔགས་དང་།། བསེ་མོ
218b3 དྲག་མོའི་ལས་སྔགས་དང་།། ཡེ་ཤེས་ལྷ་དང་རྣམ་པ་བཞི།། བཟླས་སྔགས་ཐུན་སྔགས་ཀུན་ཀྱང་བྱ།། རང་རང་སྙིང་པོ་ཕྱོགས་སུ་སྡེབས།། ཡེ་ཤེས་ལྷ་དང་རྣམ་གཉིས་ལ།། གང་ཡང་བསྒྲུབ་པའི་རང་སྔགས
218b4 བྱ།། རང་རང་སྔགས་ལ་ཐུན་དུ་བྱ།། སྙིང་པོ་དྲག་སྔགས་འདི་དག་ནི།། ཐེ་ཚོམ་ཡིད་གཉིས་མེད་པ་རུ།། ཡང་དག་ཉིད་དུ་བསྒྲུབ་པར་བྱ།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། སྐུ་གསུང་ཐུགས་ཡོན་ཏན་ཕྲིན
218b5 ལས་ཀྱི་ཡི་གེ་བཏུ་བའི་ལེའུ་སྟེ་རྩ་དགུ་པའོ།། །། དེ་ནས་བཅོམ་ལྡན་འདས་དྲེགས་པ་ཅན་གྱི་སྲོག་སྙིང་བཏུ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གསུམ་པ་ཡི་ནི་དང་པོ་དང་།། གསུམ་པ་ཡི་ནི་གཉིས་པ
218b6 དང་།། ལྔ་པ་ཡི་ནི་དང་པོ་དང་།། དེ་བཞིན་ཡང་གཅིག་འབྱུང་བ་དང་།། དྲུག་པ་ཡི་ནི་ཐ་མ་ལ།། བརྒྱད་པ་ཡི་ནི་ན་ཡ་དང་།། དང་པོ་ཡི་ནི་ཐ་མར་སྦྱར།། བཞི་པ་ཡི་ནི་གཉིས་པ་ལ།། གསུམ་པ་ཡི་ནི་དང་པོར
iiif viewer powered by OpenSeadragon
