| e-texts navigator |
| Wylie |
212a1 ཡང་།། ཉམས་པ་གང་ཡིན་འགུགས་པར་བྱེད།། ལྕགས་ཀྱུས་ཟུང་ལ་ཕུར་བུས་ཐོབ།། འཛིན་བྱེད་ཆེན་མོའི་དུས་ལ་བབ།། ཧཱུཾ་ཕོ་བྲང་ཀླུ་འདུལ་གདུག་པ་འདུལ།། འཆི་བདག་ཀླུ་ཡི་བུ་མོ་ནི།། ཆིབས
212a2 སུ་ཀླུ་རྟ་ལྗང་སྔོན་ཆིབས།། ཀླུ་རྟ་སྔོན་པོ་སྦྲུལ་གྱིས་བརྒྱན།། ཕྱོགས་བཅུར་འཕེན་ཅིང་ཀླུ་རྟ་རྒྱུག། ཉམས་པ་བཅིང་བའི་དུས་ལ་བབ།། སྔོ་ཁྲ་སྦྲུལ་གྱིས་རབ་ཏུ་བརྒྱན།། གདུག་པ་རྒྱལ་རིགས་ཀླུ་རྣམས
212a3 འདུལ།། ཕྲིན་ལས་མཐར་ཕྱིན་ཉེས་པ་མེད།། ཀླུ་འདུལ་སྔོ་བཀྲའི་དུས་ལ་བབ།། ཀླུ་བྱ་སྔོན་པོ་ལྡིང་བས་ཀྱང་།། ཀླུ་བདུད་བདུད་དུ་བབ་པའི་བྱ།། ཀླུ་བྱ་ལྗང་སྔོན་ཆུ་ལྟར་འབྲུབ།། ཀླུ་བྱ་སྔོ་བཀྲའི་དུས་ལ
212a4 བབ།། ལྗང་སྔོན་དར་གྱི་སྟན་བསྟད་པས།། སྲིད་པའི་བགེགས་རིགས་གདན་དུ་བཏིང་།། ཀླུ་སྲིན་སྔོན་པོ་གདན་དུ་བཏིང་།། གཡས་པ་སྟ་ཐོགས་ཆེམས་སེ་ཆེམ།། དམ་ཉམས་མགོ་ལུས་ཚལ་པར་ཁོས།། གཡོན་པ
212a5 གྲི་ཐོགས་བཤན་པའི་རིགས།། ཉམས་པའི་ལྷ་དང་དུམ་བུར་ཕྲོལ།། གློ་སྙིང་ནང་རོལ་ཁ་རུ་རྫོག། ཁ་ནས་མེ་འབར་ལམས་སེ་ལམ།། སྣ་ནས་དུད་པ་ཐུ་ལུ་ལུ།། བཤན་པ་ཁྱེད་ཀྱི་དུས་ལ་བབ།། སྲོག་ཟན་ཁྱེད་ཀྱི
212a6 དུས་ལ་བབ།། སྐུ་མཆོག་རབ་ཏུ་མི་བསྒྲུབས་ཀྱང་།། རྔམ་པ་ཆེན་པོའི་སྐུ་བསྐྱོད་ཅིང་།། ཧ་ཧོས་སྟོང་ཁམས་ང་རོས་འགེངས།། བདུད་དཔུང་རབ་ཏུ་འཇིགས་པར་བྱེད།། ཡ་མཚན་ཅན་གྱི་ལྷ་མཆོག་ཀྱང་།། ཆེ་བས
iiif viewer powered by OpenSeadragon
