| e-texts navigator |
| Wylie |
20b1 དབང་།། ཕན་པའི་དབང་དང་ནུས་པའི་དབང་།། དུར་ཁྲོད་དབང་དང་དམ་རྫས་དབང་།། རིམ་པ་བཞིན་དུ་བསྐུར་བར་བྱ།། ཕུར་པའི་དབང་དང་འདེབས་པའི་དབང་།། དྲག་པོའི་ལས་སུ་གྱུར་པ་ཡི།། ཀུན་ཀྱང་མ
20b2 ལུས་དབང་དུ་བསྐུར།། སྲིད་པའི་ཕུར་བུ་སྒྲུབ་པ་དང་།། དབང་དང་དངོས་གྲུབ་བླང་བའི་ཕྱིར།། ཡེ་ཤེས་ཁྲོ་བོ་གཤེགས་སུ་གསོལ།། ཁྲོ་བོ་ཆེན་པོ་གཤེགས་ནས་ཀྱང་།། རྟགས་དང་མཚན་མ་བསྟན་པ་དང་།། ཀཱི་ལ
20b3 ཡ་ཡི་དངོས་གྲུབ་སྩོལ།། གསང་བའི་དབང་རྣམས་བསྐུར་བའི་ཕྱིར།། དབང་གི་སྟེགས་བུ་རབ་བརྩེགས་ལ།། ཤ་རྩི་དཀར་ལ་ལྕང་ལོའི་སྐྲ།། པདྨའི་མཆུ་ལ་སོ་ཚགས་དམ།། སྨིན་མཚམས་པར་ཡང་མ་ཆད
20b4 པར།། ཚེས་བརྒྱད་ཟླ་བའི་མིག་འདྲ་བ།། སློབ་དཔོན་གནང་བའི་ཐུགས་རྗེ་བསྐྱེད།། ཡུམ་གྱིས་དུས་གསུམ་བདེ་གཤེགས་བསྐྱེད།། ཛཿཧཱུཾ་བཾ་ཧོཿ། ས་མ་ཡ་ཧོ། ས་མ་ཡ་སྟཾ། ཨ་ནུ་རཱ་ག་ཡཱ་མི། ཨ་ནུ་རཱ་ག་ཡ
20b5 ཧོ།། ཛཿཧཱུཾ་བཾ་ཧོཿ། ཧཱུཾ་ཧཱུཾ་ཧཱུཾ། ཨ་ཨ་ཨ། དེ་བཞིན་བྱང་སེམས་ཕབ་ནས་ནི།། ཇི་ལྟར་འཇུག་པ་བཞིན་དུ་བསྐུར།། རྡོ་རྗེ་ཁྲོས་པ་རྩ་བའི་རྒྱུད་ལས། དབང་གི་ལེའུ་སྟེ་བཅུ་གསུམ་པའོ།། །། དེ་ནས་ཚོགས་སྒྲུབ་པ
20b6 རྣམ་པར་སྤྲོས་ཏེ། ཚོགས་ཀྱི་དཀྱིལ་འཁོར་དམ་པ་འདིར།། འབྱོར་པ་ཕུན་སུམ་ཚོགས་བྱས་ལ།། བྱིན་བརླབས་ཚོགས་ཀྱི་དཀྱིལ་འཁོར་དུ།། བསམ་པ་བདག་གིས་རབ་བསམ་ལ།། སྣོད་ནི་ཨ་ལས་རྣམ་པར
iiif viewer powered by OpenSeadragon
