| e-texts navigator |
| Wylie |
209a1 སྡུས།། འབྱུང་པོ་བཤན་པས་སྟོང་ཁམས་ཁེངས།། གཡས་ན་སྣ་ཐོགས་ཆེམས་སེ་ཆེམ།། དམ་ཉམས་མགོ་ལུས་ཚལ་བར་ཁོས།། གཡོན་གྱི་གྲི་ཐོགས་ཤན་པའི་རིགས།། ཉམས་པའི་ལྷ་དང་དུམ་བུ
209a2 ཕྲོལ།། གློ་སྙིང་ནང་ཁྲོལ་ཁ་རུ་རྫོང་། ཁ་ནས་མེ་འབར་ལམས་སེ་ལམ།། སྣ་ནས་དུད་པ་ཐུ་ལུ་ལུ།། བཤན་པ་ཁྱེད་ཀྱི་དུས་ལ་བབ།། ཧཱུཾ་སྲོག་གཅོད་བཤན་པ་ལག་རིང་ནི།། སྐུ་མདོག་རབ་དམར་བེར་ཆེན
209a3 གསོལ།། རལ་པ་དམར་པོས་རབ་ཏུ་བརྒྱན།། མེ་སྟག་འབར་བའི་ཆ་ག་ཅན།། སྐྱེ་ན་གཡུ་ཡི་དྲིལ་བུ་བཏགས།། ཕྱག་གཡས་ཞགས་པ་དམར་པོ་ཐོགས།། ཉམས་པ་བཅིང་བའི་དུས་ལ་བབ།། གཡོན་ན་སྐུ་མཆོག
209a4 ཕུར་པ་བསྣམས།། ཉམས་པའི་སྙིང་ལ་ས་མ་ཡ།། སྐུ་མཆོག་ཁྲམ་བམ་རྒྱབ་ན་ཐོགས།། དུང་གི་སོ་བརྡར་ཁྲིགས་སེ་ཁྲིག། མཆེ་བ་དུང་གི་སྤུ་གྲི་གཏམས།། སྤུ་གྲི་ཤད་ཤད་སྙིང་ལ་ཤད།། དམ་ཉམས་ཀུན་གྱི་སྙིང་ལ
209a5 ཤད།། གྲི་ནི་མོན་གྲི་ཆི་ལི་ལི།། སྤྲུག་པ་གླུ་ཆེན་ཀྱུ་རུ་རུ།། སྐུ་མདོག་དམར་པོ་དབང་དུ་སྡུད།། སྐུ་མཆོག་བཤན་པས་སྟོང་ཁམས་ཁེངས།། བདུད་ཀྱི་རིགས་རྣམས་དབང་སྡུད་ནས།། བདུད་འདུལ་ཆེན་མོའི་དུས་ལ
209a6 བབ།། གསེར་གྱི་རྣ་ཆར་བྱུང་བ་ཡང་།། སྙན་པ་གསེར་ལས་ལྷག་པའི་རྟགས།། རྒྱས་པ་སྒྲུབ་ཐབས་སྙེམས་པའི་རྟགས།། རྒྱས་པ་བདུད་འདུལ་དུས་ལ་བབ།། བ་སྤུ་ལྕགས་ཀྱུ་བཅིངས་པ་ཡང་།། ཉམས་པ་གང་ཡིན།
iiif viewer powered by OpenSeadragon
