| e-texts navigator |
| Wylie |
196b1 ཆེན་སྣ་ལྔའི་བརྩིག་པ་ལ།། རིན་ཆེན་སྣ་ལྔའི་ཕྲེང་བ་བཏང་།། ལྕགས་རི་ནག་ལ་མེ་རི་དམར།། དེ་བཞིན་མ་ནོར་རིམ་པ་བྲི།། དབུས་སུ་ཧཱུཾ་དང་གདན་དུ་བཅས།། ཕྱོགས་བཞིར་རྩིབས་ལ་རུ་བཞི་དགོད།། མཚམས
196b2 བཞི་རྩིབས་ལ་ཛ་བཞི་དགོད།། སྒོ་བཞིར་ཡ་བཞིར་དགོད་པར་བྱ།། གཅན་གཟན་ཤ་དང་སྙིང་དུ་བཅས།། ནག་སྨུག་སྙིང་ཡང་དེ་བཞིན་ཏེ།། ཐོད་པ་མཚན་ལྡན་བཞི་རུ་བཤམ།། མི་དབང་འབྲས་བུ་ཤ་ཁྲག
196b3 དང་།། མཚན་མ་ཚོལ་བའི་ཤ་ཁྲག་དང་།། ནག་པོའི་སྙིང་དང་ཤ་ཁྲག་དང་།། མཚན་ལྡན་བཞི་རུ་བཤམ་པར་བྱ།། མཚོ་ཆེན་བཞི་དང་ཤ་ཁྲག་དང་།། སྙིང་སྣ་བཞི་དང་ཤ་སྣ་བཞི།། གྲུ་སྐྱོག་བཞི་རུ་ཡང་དག
196b4 བཤམ།། དབྱིངས་སུ་ཤ་ཁྲག་མང་བསྟར་ནས།། དམར་ཆེན་མཚོ་ལྟར་བསྐྱིལ་བ་བཤམ།། སྙིང་སྣ་རེ་དང་རྩང་རེར་བཅས།། རང་རང་གདན་སྟེང་དགོད་པར་བྱ།། ཏིང་འཛིན་ཆེན་པོས་བྱིན་རླབས་ནས།། སྔོན་དུ
196b5 ལས་རྣམས་གྲུབ་པར་བྱ།། དཔལ་གྱི་གཏོར་མ་དབུས་སུ་གཞག། ཕྱི་མ་རང་རང་གནས་སུ་དགོད།། ཡང་ན་སྡེར་བུ་བཞི་རུ་བྱ།། ལིངྒ་དབུལ་དང་བསྟབ་པ་དང་།། ལས་རྣམས་བསྟན་པའི་གཞི་ཡིན་པས།། རིམ་པ་མ
196b6 ནོར་གྲངས་ཀྱིས་བྱ།། དབུས་སུ་དཔལ་གྱི་སྐུ་བསྐྱེད་ནས།། ཡིད་འབྲུ་རྣམས་ལ་མ་མོ་བསྐྱེད།། སྐྲན་དྲང་བསྟིམ་དང་མཆོད་པ་དང་།། ཕུར་པས་གདབ་དང་དབུལ་བར་བྱ།། བསྐུལ་པའི་སྙིང་པོའི་ལས་རྣམས
iiif viewer powered by OpenSeadragon
