| e-texts navigator |
| Wylie |
195b1 བསྟན།། སྦྱོར་བ་སྔགས་ཀྱི་ན་ཡ་ལ།། གནད་ལ་དབབ་པ་རབ་བརྡེག་ལ།། ནམ་གྱི་འཇིང་ལ་ཐུན་ཡང་བརྡེག། རྟགས་རྣམས་འབྱུང་བར་གདོན་མི་ཟ། ཁམས་གསུམ་གདུག་པ་སྒྲོལ་བའི་ལས།། གང་དུ་བཏབ་པ
195b2 འགྲུབ་པར་བྱེད།། བདུད་དང་སྲིན་པོ་གནོད་སྦྱིན་ཡང་།། བསྒྲུབ་པའི་འབྲས་བུ་ཐོབ་པར་འགྱུར།། ཡང་དག་མིན་ཏེ་གདུག་པ་འདུལ།། དེ་ཡིས་དྲག་པོའི་འབྲས་བུར་འགྱུར།། ལས་ཀྱི་སྲིན་པོ་གདུག་པའི
195b3 མཐུས།། དམ་པ་མིན་ཏེ་བྱིན་རླབ་འབྱུང་།། རྟོགས་ན་ཡང་དག་ཉིད་དུ་འགྱུར།། དེས་ན་རྟོགས་པ་རབ་ཏུ་གཅེས།། བདེན་པའི་སྟོབས་ལ་རབ་བརྟེན་ན།། ངེས་བཟུང་བྲལ་བས་གང་ཡང་རུང་།། ངེས་པར་འཛིན་པས
195b4 གང་ཡང་འཆིང་།། འཆིང་མེད་རབ་ཏུ་དགྲོལ་བར་བྱ།། དེ་ནི་སངས་རྒྱས་ལག་བཅངས་ཡིན།། ཀུན་ཏུ་བཟང་པོའི་རོལ་པ་ལས།། བདུད་དང་སྲིན་པོ་ཐམས་ཅད་བཏུལ།། རང་རྒྱུད་མ་ཡིན་རོལ་པར་སྣང་།། རྡོ་རྗེ
195b5 ཕུར་པ་ཆེན་པོ་བཤད་པའི་རྒྱུད་ལས། དྲེགས་པ་བསྡུས་ཏེ་བསྒྲུབ་པའི་ལེའུ་སྟེ་ཉི་ཤུ་ལྔ་པའོ།། །། དེ་ནས་བཅོམ་ལྡན་འདས་མཁའ་འགྲོ་གདུག་བྱེད་མ་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། བསྟན
195b6 པ་གཉེན་པོ་བསྲུང་བའི་ཕྱིར།། གདུག་བྱེད་སྲིན་མོ་རབ་ཏུ་སྒྲུབ།། དེ་ནི་བསྟན་པ་བསྲུང་བའི་ཕྱིར།། ཡ་མཚན་ཅན་དུ་གྱུར་པས་ན།། སྲིད་པའི་དབང་ཆེན་རྣམ་གསུམ་ཡིན།། དུར་ཁྲོད་ཆེན་པོ་གསར་རྙིང་ཅན།། མང
iiif viewer powered by OpenSeadragon
