| e-texts navigator |
| Wylie |
195a1 རུང་།། གསལ་བའི་ལྷ་ཡི་ང་རྒྱལ་གྱིས།། གང་ཡིན་དམིགས་པ་གསལ་བ་ལས།། དཀར་ནག་མཚམས་སུ་དྲག་སྔགས་བརྡེག། དེ་ཡི་རྟགས་ལ་ལས་སྔགས་བྱ།། གྲངས་སུ་བསྟན་པའི་ལས་ཉིད
195a2 དེ།། སྲོག་མེད་རྡོ་ཡང་འགས་པར་འགྱུར།། དཀར་པོ་ཕྲུམ་དམར་ཐོད་པ་རུ།། སྙིང་སྣ་ལྔ་ལ་དེ་བཞིན་བྱ།། མིང་དང་རུས་ཡང་བྲི་བར་བྱ།། ཐུན་རྫས་སྣ་ཚོགས་མང་དུ་བལྟར།། གསལ་བའི་ཏིང་འཛིན་དགོངས་པ
195a3 ཡིས།། རང་བསྲུང་གནད་ལ་དབབ་པར་བྱ།། ཐུན་རྣམས་དུས་སུ་བྲབ་པར་བྱ།། རྟགས་ཉིད་མྱུར་དུ་བྱུང་བ་དང་།། གང་ཡིན་དེ་ལ་ཐོད་པ་བརྡེག། དེ་ནི་ས་རུ་རྟགས་བྱུང་ན།། བསམ་པའི་འབྲས་བུ་ཆུད་མི་ཟ།། གང
195a4 བྱས་ལས་ལ་ཐེ་ཚོམ་མེད།། མོན་པ་ནག་པོའི་ཐོད་པ་རུ།། གང་ཡིན་སྙིང་དང་ཁྲག་བླུགས་ནས།། ཐུན་རྣམས་རབ་ཏུ་བྲབ་བྱས་ཏེ།། དེ་ཉིད་ཁོལ་དང་མེ་རུ་འབར།། འོད་དང་མངོན་དུ་འབར་བ་འབྱུང་།། དེ་བྱུང་གང
195a5 ཡིན་ཡུལ་དུ་བརྡེག། དེ་ཡི་བསྟན་པ་བསྲུང་བར་འགྱུར།། ཤ་བ་དག་གི་ཐོད་པ་རུ།། གླ་བ་ལུག་དང་བྱ་རྣམས་ཀྱི།། སྙིང་དང་ཁྲག་ཏུ་བཅས་པ་བླུག། དམ་རྫས་ཀུན་ཀྱང་ཚང་གྱུར་ན།། ཡ་མཚན་འཕྲུལ་གྱི་སྔགས་འབྲུ
195a6 ལ།། རིམ་པ་སྔགས་ཀྱི་བྱ་བར་ཤེས།། དེ་ཡིས་དོན་འདི་འགྲུབ་པར་འགྱུར།། ཝ་འམ་སྦྱང་ཀིའི་ཐོད་པ་རུ།། རིམ་གྱིས་ཤི་བའི་ཁྲག་བླུགས་ལ།། དུག་དང་སྤང་མས་བརླན་པར་བྱ།། ཟངས་ཀྱི་དུག་རྣམས་ཡང་དག
iiif viewer powered by OpenSeadragon
