| e-texts navigator |
| Wylie |
194b1 དང་།། བཞི་པོ་མངོན་དུ་བྱུང་བ་དང་།། དྲག་སྔགས་དྲག་པོའི་ཐུན་གྱིས་བྲབ།། ཕུར་པ་གདབ་ཅིང་མཚོན་གྱིས་གཏུབ།། ཐོད་པ་འཕང་ཞིང་གཏོར་མ་གཏང་།། གས་དང་འགྱེལ་བ་དེ་བཞིན་འབྱུང་།། ནད་རྣམས་དེ
194b2 བཞིན་ཤེས་པར་བྱ།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་དྲེགས་པ་བསྒྲུབ་པའི་ལེའུ་སྟེ་ཉི་ཤུ་བཞི་པའོ།། །། དེ་ནས་བཅོམ་ལྡན་འདས་དྲེགས་པ་བསྡུས་པའི་ཏིང་ངེ་འཛིན་ལ་སྙོམས་པར
194b3 ཞུགས་ཏེ།། དྲེགས་པ་བསྡུས་ཏེ་གདུག་པ་འདུལ།། མཚན་ངན་རྫས་ཀྱི་ནང་དུ་ཡང་།། གཏོར་མ་མིང་བྱང་བཅུག་བྱས་ནས།། ཡི་དམ་དམ་པ་བསྒོམ་པར་བྱ།། གཅིག་ལ་མཐའ་བཞི་སྤེལ་བའི་སྔགས།། རང་རང་གང
194b4 བྱེད་སྔགས་སུ་དབྱེ།། ཡང་ན་སྔགས་ཀྱི་བྱེ་བྲག་ལས།། དངོས་དང་འགྲེང་བུ་གི་གུ་དང་།། ན་རོ་ཁྱད་པར་དབྱེ་བར་བྱ།། རྫས་ཀྱི་དེ་བཞིན་རིམ་པར་དབྱེ།། ཐུན་ཡང་དེ་བཞིན་བསྟན་པར་བྱ།། རང་རང་ཐུན་ལ་རང
194b5 རང་སྔགས།། གྲངས་དང་རྟགས་དང་དུས་དག་དང་།། གང་ཡིན་ལས་སུ་རུང་བར་བྱ།། བསྐུལ་ཞིང་ཟད་པ་དེ་བཞིན་ཏེ།། རང་རང་རྫས་ལ་བརྟེན་པར་བྱ།། ཕྱོགས་སུ་འཕང་བའི་ལས་ཉིད་བྱ།། དེ་ཡིས་ལས་རྣམས
194b6 འགྲུབ་པར་འགྱུར།། གལ་ཏེ་གནད་དུ་མ་སྐྱོལ་ན།། ནག་པོ་སྤྱི་དཀར་ཐོད་པ་རུ།། དེ་ཉིད་སྙིང་དང་ཁྲག་དུ་བཅས།། མོན་པ་ནག་པོའི་སྙིང་ཡང་རུང་།། དེ་ཡི་ནང་དུ་མིང་བྱང་གཞུག། རེ་བའི་ཁུག་མར་བཅུག་ཀྱང
iiif viewer powered by OpenSeadragon
