| e-texts navigator |
| Wylie |
191b1 གྱིས་ལས་བྱའི་ཕྱིར།། ཕོ་མོ་སྔགས་ཀྱི་བྱེ་བྲག་ལས།། ན་ཡར་བསྒྱུར་བས་གང་བསྒྲུབ་འགྲུབ།། མོ་ལ་ཕོ་རུ་ན་ཡས་བསྒྱུར།། མོ་ཡི་བདུད་མོ་ཕོ་ལས་འབྱུང་།། ཕོ་ཡི་བདུད་མོ་དེ་བཞིན་ནོ།། སྲོག་སྙིང་ཕོ་རུ་བསྒྱུར་བ
191b2 འདི།། ཕོ་ལ་བཅོ་ལྔ་སྤྱི་སྔགས་དང་།། ཐུན་རྫས་རྣམས་ལ་མང་དུ་བཟླས།། མཆོག་གི་ཕུར་པས་ཡང་དག་གདབ།། བསྟན་པ་བསྲུང་བའི་ལས་ཀྱང་བཅོལ།། ཧཱུཾ་གདུག་པ་འདུལ་བ་དྲེགས་པའི་ལྷ།། དྲེགས་པ་རྔམ
191b3 པའི་རལ་པ་ཅན།། མཆེ་བ་གཙིགས་ཤིང་ཚེམས་བརྡར་བ།། སྐུ་ལ་ཞིང་ལྤགས་རློན་པ་གསོལ།། རལ་པ་བཅིངས་པའི་ཐོར་ཚུགས་ཅན།། གཡས་པས་དགྲ་སྙིང་སྦར་གྱིས་འདེབས།། གཡོན་པ་བདུད་ཀྱི་ཁྲམ་བམ
191b4 བསྣམས།། རྔམ་པའི་ཚེམས་བརྡར་སྤུ་གྲིའི་སོ།། མཆེ་བ་ལྕགས་ཀྱི་སྤུ་གྲི་ཅན།། སྤུ་གྲི་ཤད་ཤད་སྙིང་ལ་ཤད།། བསྟན་པ་གཉེན་པོར་མི་བྱེད་པའི།། ཉམས་པ་གང་ཡིན་སྙིང་ལ་ཤད།། ཧཱུཾ་བདུད་ཀྱི་རྒྱལ་པོ་མ་རུངས
191b5 པ།། མུན་པ་ནག་པོའི་ཁ་དོག་ལ།། སྤུ་ལ་དར་ནག་བེར་མཐིང་གསོལ།། རལ་པ་ནག་པོ་སྤྱི་བཅིངས་ཅན།། ལག་ན་གཅོད་པའི་སྟ་རེ་ཐོགས།། དགྲ་སྟ་སྡང་བའི་དགྲ་ལ་ཐོབ།། མཆེ་བ་དུང་གི་སྐྲ་གྲི་གཉམས།། སྐྲ་གྲི
191b6 ཤད་ཤད་སྙིང་ལ་ཤད།། དམ་ཉམས་གང་ཡིན་སྙིང་ལ་ཡ།། ཧཱུཾ་འཇིགས་པར་བྱེད་པའི་བདུད་ཕོ་ནི།། མོན་པ་ནག་པོ་རྣ་ཆ་ཅན།། སྐུ་ལ་སྟག་ལྤགས་གཡང་གཞི་གསོལ།། རལ་པ་ནག་པོ་མུན་ལྟར
iiif viewer powered by OpenSeadragon
