| e-texts navigator |
| Wylie |
191a1 ཁམ་པ་སྣ་ལྔ་ཡང་།། དེ་བཞིན་སྙིང་ཁྲག་གཏོར་མ་བྱ།། ཡང་ན་ཐོད་པ་གཅིག་ཏུ་བྱ།། སྙིང་སྣ་ཁྲག་སྣ་མང་དུ་བརྡར།། མཚན་མ་ངན་པའི་ཐོད་པ་ལ།། མེད་དུ་མི་རུང་སྙིང་པོ་བྲི།། གཉིས་སུ་བཅད་པའི
191a2 དུམ་བུ་ལ།། ལུས་ཀྱི་ཕྱོགས་སུ་བདུད་པོ་བྲི།། སྤྱི་བོར་གདུག་པ་འཁོར་ལོ་བྲི།། དྲུག་དང་བརྒྱད་དུ་རབ་སྐོར་ལ།། དྲག་སྔགས་དྲུག་ལ་བྲི་བར་བྱ།། བརྒྱད་ལ་དྲེགས་པའི་སྙིང་པོ་བྲི།། མུ་ཁྱུད་མུ་བྲན་ལས་སྔགས
191a3 བྲི།། དེ་བཞིན་ཕྱི་མར་རྩ་སྔགས་བྲི།། རྩིབས་མཚན་རྣམས་ལ་མིང་བྱང་བྲི།། ལུས་ཀྱི་ཕྱོགས་སུ་བདུད་ཕོ་བྲི། ཁ་གདངས་མཆེ་བ་གཙིགས་པ་བྲི།། བར་དུ་མིང་བྱང་གཞུག་པར་བྱ།། ཐོད་པ་ངན་པའི་མཚན་ལྡན
191a4 ལ།། ཁྲག་སྣ་མང་དུ་བླུགས་བྱས་ལ།། ཐུན་དུ་འཕང་བའི་རྫས་དུ་བྱ།། གྲུ་གསུམ་ཁྲུ་གང་བརྐོས་པ་ལ།། དེ་རྣམས་བཅུག་སྟེ་ཁ་བཅད་ལ།། རྡོ་རྗེ་རྒྱ་གྲམ་ལྡོང་རོས་ཀྱིས།། གཡམ་པ་དག་ལ་བྲི་བ་དང་།། མི་མངོན
191a5 ལེགས་པར་གཅད་པར་བྱ།། ཉུང་དཀར་ཉུང་ནག་སྐེ་ཚེ་དང་།། དུག་དང་སྙིང་སྣའི་ཕྱེ་མ་ལ།། སྐྱེས་པ་དར་མའི་མཆོག་ཕུར་དང་།། ས་སེར་དངོས་པོའི་ཕྱེ་མ་རྣམས།། ཐུན་གྱི་རྫས་སུ་དེ་བཞིན་གཤམ།། རུས་པ་བརྡུང
191a6 བའི་ཕྱེ་མ་རྣམས།། ཐུན་གྱི་རྫས་སུ་བཞག་ཀྱང་རུང་།། རུས་བྱང་ཐོབ་པའི་ཁ་ལ་བཞག། ཡེ་ཤེས་ལྷ་ཡི་སྐུར་བསྒོམ་ལ།། གནས་རྣམས་བསྲུང་ཞིང་སྙིང་པོ་བཟླས།། མཛེས་པ་ཙམ་དུ་རབ་ཏུ་བཟླས།། དྲེགས་པ་ཅན
iiif viewer powered by OpenSeadragon
