| e-texts navigator |
| Wylie |
190b1 ཏུ་བཟང་།། བསྟབ་པ་དྲག་པོ་ལས་བྱའི་ཕྱིར།། ཡང་ནས་ཡང་དུ་དེ་བཞིན་བྱ།། རང་དབང་མེད་དེ་སྟོབ་པར་འགྱུར།། གདབ་པའི་ལས་ཉིད་འདི་ལྟ་སྟེ།། སྙིང་དང་ཡན་ལག་དེ་བཞིན་གདབ།། མཚོན་དང་དུག་དང
190b2 བརྡུང་བ་དང་།། བསྟབ་པ་བྱས་ཏེ་སྲེག་དང་འཕང་།། ཚེ་བསྟིམ་བཀྲ་ཤིས་དེ་ལྟར་བྱ།། མ་ལུས་རྫོགས་པའི་ལས་ཀྱི་མཆོག། བསྙེན་པ་ཡེ་ཤེས་ལྷ་ལ་འབུལ།། བསྒྲུབ་པ་དྲེགས་པ་དྲུག་ལ་འབུལ།། མཆོད་པའི་དུས
190b3 སུ་ལས་དྲུག་འབྱུང་།། བྲི་བ་དེ་བཞིན་དབྱིངས་སུ་མཐུན།། བསགས་པའི་རྫས་དྲུག་རང་རང་སྟེ།། ཕུར་པ་དྲུག་ཡང་དེ་བཞིན་དུ།། ཐོད་པ་དྲུག་ཡང་རབ་ཏུ་བསྟན།། རྟགས་དྲུག་མི་མཐུན་རང་རང་སྟེ།། བསྟོད་པ
190b4 གཅིག་ལ་བསྐུལ་པ་དྲུག། ལྷ་སྔགས་གཅིག་ལ་གཅིག་པར་དྲུག། ལྷ་ཡི་གཅིག་ལ་ལས་སྣ་དྲུག། ཐུན་ཡང་དེ་བཞིན་ཤེས་པར་བྱ། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་བསྟབ་པ་ཞེས་བྱ་བའི་ལེའུ་སྟེ་ཉི
190b5 ཤུ་གསུམ་པའོ།། །། དེ་ནས་བཅོམ་ལྡན་འདས་དྲག་སྔགས་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ཏེ།། བསྟན་པ་གཉེན་པོར་འཚེ་བྱེད་དང་།། སྒྲོལ་བའི་ཞིང་དུ་གྱུར་པ་ལ།། དྲག་པོ་དྲེགས་པའི་མན
190b6 ངག་བསྟན།། དྲེགས་པའི་རྒྱལ་པོ་བཅོ་ལྔ་ལ།། ཐོད་པ་མཚན་ལྡན་སྣ་གཉིས་སུ།། སྙིང་ཁྲག་ལྔ་ཡི་གཏོར་མ་བྱ།། ཡང་ན་ཐོད་པ་བཅོ་ལྔ་སྟེ།། ནག་པོ་ལྔ་ལ་དཀར་པོ་ལྔ།། དམར་དང་སྔོ་དང་ཞུར་བ་དང་།། སེར་བ
iiif viewer powered by OpenSeadragon
