| e-texts navigator |
| Wylie |
189b1 མེད་པར་ལས་རྣམས་བྱ།། མཆོད་ཅིང་དྲག་པོས་རབ་ཏུ་བསྐུལ།། བདུད་རྟ་ནག་པོའི་ཐོད་པ་རུ།། སྔགས་དང་ཐུན་སྔགས་རབ་ཏུ་བཅས།། གང་ཡིན་རྒྱུ་དུས་དག་ཏུ་བཟླས།། དྲག་པོ་ཐུགས་ཉིད་ལས་ཀྱི་མཆོག། མང
189b2 དུ་འབྱུང་ཞིང་དངོས་སུ་སྟོན།། གང་ཡིན་བསྒྲལ་བ་ལས་ཀྱི་མཆོག། གདབ་དང་ལས་རྣམས་རྫོགས་པར་བྱ།། ལམ་པོ་ཆེ་ཡི་རྒྱ་གྲམ་མནན།། བཀྲ་ཤིས་ཚེ་ཡི་ལས་རྣམས་བྱ།། རྡོ་རྗེ་ཕུར་པ་ཆེན་པོ་བཤད་པའི་རྒྱུད
189b3 ལས། དྲག་པོ་བསྒྲལ་བའི་ལེའུ་སྟེ་ཉི་ཤུ་གཉིས་པའོ།། །། དེ་ནས་བཅོམ་ལྡན་འདས་དྲག་པོ་བསྟབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཤིང་རྩི་ཆུ་མིག་ཅན།། ཀླུ་ཤིང་སྣ་དགུ་ཡོད་པའི
189b4 སར།། ས་ཡང་ལྗང་སྔོན་དེ་བཞིན་འབྱུང་།། མཎྜལ་མདའ་གང་གྲུ་བཞི་ལ།། ནག་པོ་བཞིན་དུ་རིམ་པས་བྲི།། ལྗང་གུའི་མུ་རན་ཡང་གཅིག་བསྣན།། སྙིང་པོ་མནན་པ་དེ་བཞིན་བྲི།། རྣམ་པ་གཉིས་ཀྱི་ཕུར་པ
189b5 ཡང་།། ཅོད་པན་གདགས་པ་དེ་བཞིན་བྱ།། སྲུང་བའི་མཚམས་ཀྱིས་རབ་ཏུ་བསྲུང་།། རྣམ་པ་གཉིས་སུ་བྱིན་བརླབ་བྱ།། གནས་གཉིས་ཉིད་དུ་དེ་བཞིན་དགོད།། ཐུན་རྫས་རྣམ་གཉིས་དེ་བཞིན་བཤམ།། རུས
189b6 སྦལ་ཐོད་པར་ཡང་དག་བྱ།། ཆུ་ལུག་སྔོ་བཀྲ་རྟེན་དུ་བཅས།། རུས་དང་མིང་ཡང་དེ་བཞིན་བྲི།། རིམ་པ་གྲངས་སུ་དེ་བཞིན་བསྟན།། ཏིང་འཛིན་སྒྲོལ་བའི་གྲངས་དང་སྦྱོར།། མཐིང་ནག་གྲུ་གསུམ་དཀྱིལ་འཁོར
iiif viewer powered by OpenSeadragon
