| e-texts navigator |
| Wylie |
189a1 བྱིན་བརླབས་ནས།། གང་ཡིན་གནས་སུ་དེ་བཞིན་དགོད།། རྣམ་གཉིས་གཏོར་མ་དེ་བཞིན་དུ།། ནག་པོའི་ཐོད་པར་དེ་བཞིན་བཤམ།། བདུད་ལུག་ནག་པོ་རྟེན་དུ་བཅས།། དམིགས་པའི་རྟེན་དུ་དེ
189a2 བཞིན་ཏེ།། རིམ་པས་བསྐོར་ཏེ་དེ་ཉིད་དངོས།། ཏིང་འཛིན་གསལ་བའི་ཁྱད་པར་ལས།། གྲུ་གསུམ་ཨེ་ཡི་དཀྱིལ་འཁོར་བསམ།། ཡབ་ཡུམ་དབུས་དང་གདུག་པ་ཤར།། སྤྱན་དྲང་བྱོན་དང་བསྟིམ་པ་དང་།། ལྷ་ལ
189a3 འབུལ་ཞིང་ཤགས་ཀྱིས་དབྱེ།། བསྐུལ་བས་ལས་རྣམས་བྱེད་པར་འགྱུར།། ཧཱུཾ་གདུག་པ་འདུལ་བ་དྲག་པོའི་སྐུ།། སྟོད་ནི་ཞལ་གསུམ་ཕྱག་དྲུག་ལ།། སྨད་ནི་ཟུར་གསུམ་དཔལ་དང་ལྡན།། གནག་པའི་ཞལ་ལ་ཁྲོ
189a4 གཉེར་ཅན།། གདུག་པ་འདུལ་བ་ཕུར་པ་བསྣམས།། ཐོ་བ་ཕུར་པ་རང་རྟགས་ཅན། ཁམས་གསུམ་གདར་གཅོད་ཕུར་པ་བསྣམས།། གདུག་པ་བདུད་ཀྱི་འཁོར་རྣམས་འདུལ།། བདུད་ཀྱི་སྤྲུལ་པ་བསམ་མི
189a5 ཁྱབ།། གང་ཡིན་སྒྲོལ་པའི་ལས་རྣམས་མཛོད།། ནག་པོ་གསུམ་གྱི་ཁྲག་གིས་མཆོད།། མཆོད་པའི་དུས་སུ་བསྒྲལ་བར་བྱ།། བསྙེན་པའི་རྟགས་རྣམས་རབ་ཏུ་འབྱུང་།། སྒྲ་དང་ནག་པོའི་འོད་དག་དང་།། འཚུབ་ནག
189a6 འཁྱིལ་པའི་མེ་སྟག་འཕྲོ།། དངོས་དང་ཉམས་སུ་འབྱུང་བའོ།། བསྙེན་པའི་རྟགས་རྣམས་རབ་ཏུ་གཅེས།། ལྷ་དང་དྲེགས་པ་སྒྲོལ་བའི་སྔགས།། གང་ཡིན་ཤ་ཐང་དབྱེ་བར་བྱ།། དྲག་པོ་ཉིད་དུ་དེ་བཞིན་བྱ།། སྨྱོ་བ
iiif viewer powered by OpenSeadragon
