| e-texts navigator |
| Wylie |
187b1 བསྟན།། བསྙེན་པའི་རྟགས་ནི་འདི་ལྟ་སྟེ།། སྦྲུལ་དང་སྦལ་པ་ལ་སོགས་པ།། དངོས་སུ་བྱུང་བ་མ་ཉམས་སུ་བྱུང་།། སྔོན་དུ་བྱུང་བའི་འོད་བཞིན་དུ།། བསྙེན་པའི་རྟགས་ནི་དེ་ལྟར་འབྱུང་།། ལྷ་སྔགས་བསྟན་པས་དེ
187b2 ཉིད་ཙམ།། དྲག་པོའི་སྔགས་ལ་ནན་ཏན་བྱ།། ཉིན་དང་མཚན་དུ་གྲངས་མེད་བཟླས།། བསྟོད་དང་བསྐུལ་པ་དེ་བཞིན་བྱ།། དཀར་པོ་གསུམ་གྱི་ཐོད་པ་རུ།། སྔགས་བྲིས་ཐུན་གྱི་རྫས་རྣམས་བཤམ།། དཀར་པོ
187b3 གསུམ་གྱི་སྙིང་ཡང་གཞུག། གཟུགས་བྲིས་ཁྲག་ཏུ་དེ་བཞིན་བཅས།། དོན་གྱི་སྦྱར་བ་དེ་བཞིན་བྱ།། མང་དུ་དེ་བཞིན་ཐུན་ཡང་བྲབ།། དེ་ཉིད་ལས་སུ་རུང་བ་དང་།། ཆ་བྱད་སྟོན་ཅིང་ཐུན་ཉིད་ཁོལ།། རྟགས་མ་བྱུང
187b4 བར་དེ་བཞིན་བྱ།། དྲག་པོས་བཅིངས་པའི་རིམ་པ་ནི།། ཡང་དང་ཡང་དུ་རབ་ཏུ་བསྡམ།། ཡན་ལག་དངོས་སུ་བཅིངས་པར་འགྱུར།། གདབ་པའི་ཐུན་ཡང་དེ་བཞིན་བསྟན།། ལས་རྣམས་མ་ལུས་རྫོགས་པར
187b5 བྱ།། སྲེག་དང་འཕང་བ་དེ་བཞིན་དུ།། ཡང་གཅིག་མནན་ཏེ་ཕོ་བྲང་སྦྲ།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་བཅིངས་པའི་ལེའུ་སྟེ་ཉི་ཤུ་པའོ།། །། དེ་ནས་བཅོམ་ལྡན་འདས་དྲག་པོ་སྤྲོ་བའི
187b6 ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཆེན་པོ་ཟད་ཟེད་ཅན།། མི་རིང་འགྲོ་དང་ཁྱི་རྒྱུག་འདྲ།། ཟེའུ་རང་གནས་པའི་ས་ཡོད་པར།། སྒོ་ནི་ཤར་ལྷོ་མཚམས་སུ་བལྟས།། མཎྜལ་མདའ་གང་བྱས་ནས
iiif viewer powered by OpenSeadragon
