| e-texts navigator |
| Wylie |
187a1 པའོ།། །། དེ་ནས་བཅོམ་ལྡན་འདས་དྲག་པོ་བཅིང་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་སྔོ་ལ་འོད་ཆགས་སུ།། ཀླུ་ཡི་ཕོ་བྲང་ཡོད་པ་རུ།། མཎྜལ་དེ་བཞིན་ཡང་དག
187a2 སྦྱར།། གསེར་རམ་སེར་པོའི་ཕུར་པ་ལ།། དར་ཡི་ཅོད་པན་དེ་བཞིན་བྱ།། ཚམ་རྔམས་དྲག་པོས་བགེགས་བསྐྲད་ལ།། འགོད་པ་དེ་བཞིན་ཡང་དག་བསྟན།། གཏོར་མ་དབུས་དང་ཤར་དུ་དགོད།། ཤར་དུ་དགོད་པའི
187a3 གཏོར་མ་ལ།། རྩི་སྨན་སྣ་ཚོགས་དགོད་པར་བྱ།། རྟེན་ཡང་རབ་ཏུ་དེ་བཞིན་གཞག། མིང་བྱང་རྩང་དང་བཅས་པ་ཡང་།། དེ་བཞིན་བརྟེན་ཏེ་རབ་ཏུ་དགོད།། ཏིང་འཛིན་རིམ་པ་དེ་བཞིན་ཏེ།། གཙོ་དང་འཁོར་ཡང
187a4 དེ་བཞིན་བསྐྱེད།། སྤྱན་དྲང་རིམ་པ་གྲངས་དང་སྦྱར།། མཆོད་པ་བསྙེན་པ་བསྟོད་པ་དང་།། བསྙེན་པ་ཡེ་ཤེས་ལྷ་ལ་འབུལ།། རན་པ་ཉིད་དུ་དེ་བཞིན་སྦྱར།། ཧཱུཾ་གདུག་པ་འདུལ་བ་དྲག་པོའི་སྐུ།། སྟོད་ནི་ཞལ་གསུམ
187a5 ཕྱག་དྲུག་པ།། སྨད་ནི་ཟུར་གསུམ་དཔལ་དང་ལྡན།། སྔོ་བའི་ཞལ་ནི་འགྱུར་བ་མེད།། གདུག་པ་འདུལ་བའི་ཕུར་པ་བསྣམས།། ཞགས་པ་རང་རྟགས་ཕྱག་རྒྱ་ཅན།། ཁམས་གསུམ་གདར་གཅོད་ཕུར་པ
187a6 བསྣམས།། གདུག་པ་ཤར་གྱི་འཁོར་ལོ་བཅས།། སྤྲུལ་པ་གང་ཡིན་ཉམས་པ་འཆིང་།། གང་ཡིན་བཅིང་བའི་ལས་མཛོད་ཅིག། དམ་རྫས་ཉིད་ཀྱིས་དེ་བཞིན་མཆོད།། མཆོད་པའི་དུས་སུ་རབ་ཏུ་འཆིང་བར
iiif viewer powered by OpenSeadragon
