| e-texts navigator |
| Wylie |
186b1 ཅིང་།། མཆོད་པའི་དུས་སུ་བཀུག་ཅིང་བསྟིམ།། བསྙེན་པའི་རྟགས་རྣམས་འདི་ལྟ་སྟེ།། འོད་དུ་འཁྱིལ་ལམ་མེ་རུ་འབར།། དངོས་སུ་བྱུང་ངམ་ཉམས་སུ་བྱུང་།། དེ་ནི་བསྙེན་པའི་རྟགས་སུ་བསྟན།། རན་དང་མཛེས
186b2 པའི་ལྷ་སྔགས་ལ།། དྲག་པོའི་སྔགས་ཀྱི་གནད་དུ་བསྟན།། ཉིན་དང་མཚན་དུ་རབ་བསྟན་ནས།། ལྷ་ལ་མཆོད་ཅིང་དྲེགས་པ་བསྐུལ།། ཀླུ་ཡིས་བཟུང་བའི་ཐོད་པ་རུ།། སྙིང་པོ་བྲི་ཞིང་ཐུམ་པོ་བྱ།། གདུག་པ་སྦྲུལ་གྱི
186b3 སྙིང་ལ་གཞུག། སྦལ་པ་ཕོ་མོའི་གཟུགས་བྲིས་ལ།། དཀར་པོའི་སྙིང་དང་སྦལ་པ་དང་། ཁྲག་དང་བསྲེས་པ་དེ་བཞིན་བྱ།། བསྣོལ་མཚམས་བརྟན་པ་རབ་ཏུ་གཅེས།། ཐུན་སྔགས་བཟླས་ཤིང་དེ་ལ་བྲབ།། ཐུན་དེ
186b4 ལས་སུ་རུང་བ་དང་།། གདུག་པ་དངོས་སུ་སྟོན་པ་དང་།། དེ་ཉིད་དངོས་སུ་འཁོལ་བར་འགྱུར།། ཡང་ནས་ཡང་དུ་དེ་བཞིན་བྱ།། དྲག་པོ་བསྒྲལ་བའི་ངོ་བོ་ནི།། ལན་གསུམ་མནན་ཏེ་ཕོ་ཉེས་དགུག། དབང་པོ་མངོན
186b5 གསུམ་གསལ་བར་འགྱུར།། གདབ་པ་རྣམ་པ་གཉིས་སུ་བསྟན།། ཐུན་ཡང་དེ་བཞིན་ཡང་དག་སྦྱར།། མཚོན་ལ་སོགས་པ་དེ་བཞིན་འབྱུང་།། ཐ་མ་བསྲེག་སྟེ་གནན་པ་བྱ།། འཕང་དང་བསྲེགས་པའི་ལྷག་མ
186b6 དེ།། བསམ་པ་ཉིད་ཀྱིས་གསོས་བྱས་ལ།། བྱང་དུ་ཁ་བལྟས་འགྲམ་དུ་མནན།། དེ་ཡིས་འོག་མ་དེ་བཞིན་འབྱུང་།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་འགུགས་པའི་ལེའུ་སྟེ་བཅུ་དགུ
iiif viewer powered by OpenSeadragon
